ԱԺ տնտեսական հարցերի մշտական հանձնաժողովի նախագահ Վարդան Այվազյանն այսօր հայտարարեց, թե ՀՀ տնտեսությունն առաջին եռամսյակում աճել է: Ըստ նրա, գրանցվել է 5.9% տնտեսական աճ: Իսկ կատարվածը նա մեկնաբանել է ԿԲ գնաճային զսպումներով: Վարդան Այվազյանը կանխատեսում է որ այս տարի տնտեսական իրավիճակն ավելի բարձր է լինելու: Փոխարենը խոստացավ, որ ՀՀ-ում սննդամթերքի գնաճ չի լինի:
«Մոնոպոլ շուկայում մենք թույլատրել ենք գերիշխող դիրք, բայց ոչ այդ դիրքի չարաշահում»,- մեկնաբանելով բուսական յուղի շուկայում գնաճի կապակցությամբ Տնտեսական մրցակցության պաշտպանության պետական հանձնաժողովի վարույթը, նշեց նա: Այվազյանըը հայտարարեց, թե այս կապակցությամբ ԱԺ-ն արդեն ընդունել է օրենք, և վավերացումից հետո այլևս նոր քաղաքականություն է լինելու: «Հիմա տուգանք չենք ավելացնելու, հիմա շատ ավելի կոպիտ է դառնալու. եթե չհիմնավորված գների բարձրացում եղավ, ամբողջ բարձրացված գումարից ստացված եկամուտը գանձվում է պետության գանձարան, և գումարած 200 մլն դրամի տուգանք»,- ասաց նա: