«Արարատ»-ի փոխնախագահ և գլխավոր մարզիչ Արկադի Անդրեասյանը բացառիկ հարցազրույց է տվել «Առաջին լրատվական»-ին, որում անդրադարձել է «Ֆուտբոլ+» թերթում լույս տեսած այն աղմկահարույց հոդվածին` ըստ որի, ինքը դաժան է վարվել թիմի դարպասապահ Ալեքսանդր Պետուխովի հետ:
Արկադի Անդրեասյանը համարում է, որ չի կարելի լուրջ վերաբերվել մի մարդու (Սուրեն Բաղդասարյանի) գրածներին, ով նորմալ լեզուն չի հասկանում: «Սուրեն Բաղդասարյանը միայն մեքենան վառելու լեզուն է հասկանում»:
«Արարատ-73»-ի լեգենդի խոսքերով` «Ֆուտբոլ+» թերթում առաջին անգամ չէ «Արարատ»-ի և իր դեմ հոդված տպագրվում:
Անդրեսյանը խոսել է նաև «Արարատ» բրենդի հետ կապված կոնֆլիկտի մասին և նշել, որ ոմանք ցանկանում են այն ձեռք բերել, սակայն իրենք դեռ ոչ մի առաջարկ չեն ստացել:
«Որոշ մարդիկ ցանկանում են ձեռք բերել «Արարատ»-ը, բայց ոչ մի առաջարկ չեն անում: Թող առաջարկեն, որ առաջարկ լինի, գուցե մարդիկ մտածեն: Ես չգիտեմ` ով է ուզում ձեռք բերել, բայց մամուլում կարդացել եմ և հեռուստատեսությամբ լսել, որ Ռուբեն Հայրապետյանը խոսել է այդ մասին»,- ասել է արկադի Անդրեասյանը: