Վրաստանը պատրաստ Է Ռուսաստանի հետ բանակցություններ վարել ՌԴ-ի այն քաղաքացիների գործով, ովքեր ձերբակալվել են ռուսաստանյան հետախուզության հետ կապված անձանց բացահայտման լայնածավալ գործողության արդյունքում. այս մասին Թբիլիսիում հայտարարել Է Վրաստանի արտաքին գործերի փոխնախարար Նինո Կալանդաձեն: «Մենք պատրաստ ենք բանակցություններ վարել այդ հարցի վերաբերյալ»,-ասել Է Կալանդաձեն՝ նշելով, որ ռուսաստանյան կողմն արդեն երկու երկրների շահերը ներկայացնող Շվեյցարիայի դեսպանության միջոցով տեղեկատվություն Է խնդրել իր քաղաքացիների մասին, ինչպես նաեւ նրանց տվյալները՝ հյուպատոսական գործողություններ անցկացնելու համար: Խոսելով Ռուսաստանին նրա քաղաքացիների հանձնման հնարավորության մասին՝ փոխնախարարն ասել Է, որ դա «բանակցությունների առարկա Է», եւ խնդիրը կլուծեն արդեն իրավապահ մարմինները: Վրաստանի ՆԳ նախարարությունը հայտարարել Է լրտեսության համար մեղադրվող 13 մարդու ձերբակալման մասին, որոնցից չորսը Ռուսաստանի քաղաքացիներ են:
Ինչպես լրագրողներին հայտնել Է Վրաստանի ՆԳ նախարարության հակահետախուզության դեպարտամենտի փոխտնօրեն Օթար Օրջոնիկիձեն, «Վրաստանի ՆԳ նախարարության հակահետախուզության դեպարտամենտի աշխատակիցների կողմից անցկացված գործողության շնորհիվ հայտնաբերվել են տասնյակ մարդիկ, որոնք համագործակցում կամ այս կամ այն կերպ կապված են Ռուսաստանի հատուկ ծառայությունների, մասնավորապես, ՌԴ-ի զինուժերի գլխավոր շտաբի գլխավոր հետախուզական վարչության հետ:
Նրանցից 13-ը ձերբակալվել են լրտեսության եւ օտարերկրյա պետության հատուկ ծառայություններին միանալու մեղադրանքով: Նրանցից չորսը Ռուսաստանի քաղաքացիներ են»,-ասել Է Օրջոնիկիձեն: Նա նշել Է, որ դա գործողության առաջին փուլն Է, ընդ որում, «բոլոր այդ անձինք ձերբակալվել Էին դեռեւս հոկտեմբերին»: Մինչդեռ ՌԴ-ի հատուկ ծառայությունների իրազեկ մի աղբյուր այսօր հայտարարել է, որ Վրաստանում ձերբակալված մարդիկ ոչ մի առնչություն չունեն Ռուսաստանի հատուկ ծառայությունների հետ: