Կոկորդիլոսների շրջանում կաննիբալիզմի արտասովոր դեպք է գրանցվել Ավստրալիայի Քվինսլենդ քաղաքին մոտ գտնվող գետերից մեկում:
Քաղցած կենդանին հարձակվել է իր ցեղակցի վրա, որն այդ ժամանակ պատահաբար անցել է նրա առջևով: Սա կոկորդիլոսների շրջանում հազվադեպ երևույթ է:
Էրիկ անունով երկու մետրանոց կոկորդիլոսը դուրս է եկել փոքր ձկների որսի, բայց երբ հանդիպել է իր ցեղակցին, չի հրաժարվել ուտել նաև նրան: Զոհ-կոկորդիլոսը դանդաղ է լողացել, կարծես նախօրոք իմանալով իր ճակատագիրն ու չդիմադրելով դրան:
Էրիկը երկու անգամ իր չափերով գերազանցել է զոհին: Այդ տեսարանն անմահացրած լուսանկարիչը նշում է, որ իր 15 տարվա աշխատանքի ընթացքում դա երրորդ դեպքն է, որին ինքն ականատես է լինում։
Կոկորդիլոսների մասնագետն ասել է, որ Էրիկը պատկանում է այդ կենդանիների ծովային տեսակին, որոնք կարող են մեծանալ մինչև 6 մ։ Նրանք շատ դաժան են ու իսկական պատերազմ են մղում իրենց տարածքների համար:
