Ներկայումս Մոսկվայի Գագարինի շրջանի հարցերով Ռուսաստանի ՆԳՆ բաժնում փաստերի ստուգում է ընթանում Եվրասիական երիտասարդական խորհրդարանի նախագահ Անդրանիկ Նիկողոսյանի դեմ ՝ դաժան ծեծի և բռնաբարության փորձի համար մեղադրանքով ոստիկանությունում նրա դեմ ներկայացված բողոքի հիման վրա: Այս մասին LiveJournal-ի իր բլոգում գրել է օգտատեր Գենադի Միխայլովը։
Նիկողոսյանը պարգևատրվել է Ռուսական ուղղափառ եկեղեցու մեդալով՝ Ռուսաստանի ուղղափառ եկեղեցու Մոսկվայի պատրիարքության պատրիարքի կողմից, և տարբեր պետական մրցանակներով:
Կայքը գրում է, որ հունիսի սկզբին Անդրանիկ Նիկողոսյանը ծանոթուհուն հրավիրել է իր մոսկովյան բնակարան և առաջարկել խմբակային ոչ ավանդական բիսեքսուալ սեքսով զբաղվել, իսկ երբ վճռական մերժում է ստացել, հանկարծ հարձակվել է նրա վրա և սկսել ծեծել՝ հաշվեհարդարի սպառնալիքներով: Տևական ժամանակ ծեծել է, հետո այդ ամենին միացել է նաև Նիկողոսյանի վարորդը՝ Էդգար անունով մի երիտասարդ:
Ընդ որում՝ տուժածի պնդմամբ՝ ծեծելու ընթացքում Նիկողոսյանը փորձել է իր հետ այլասերված ձևով ինտիմ կապ ունենալ, բայց էրեկցիա չի ունեցել, ինչը նրան ավելի է կատաղեցրել:
Երբ զոհը գրեթե կորցրել է գիտակցությունը, Նիկողոսյանը որոշել է գործն ավարտին չհասցնել և Էդգարին թույլ է տվել նրան փողոց հանել: Այնտեղ Էդգարը շարունակել է ծեծը նույնիսկ այն ժամանակ, երբ տուժածը կորցրել է գիտակցությունը, բայց նրան նկատել են անցորդները, որոնցից նա փախել է: Անցորդները տուժածի համար շտապօգնություն են կանչել:
Տուժածի խոսքով՝ ինքն օբյեկտիվ հետաքննություն է ակնկալում:
Ներկայումս Նիկողոսյանը չի ներկայանում իրավապահների պահանջով, նրա հեռախոսները անջատված են:
Նշվում է, որ ինչպես հաջողվել է պարզվել Նիկողոսյանի հայրենակիցներից՝ նա հայրենիքում ևս հայտնվել է տհաճ իրավիճակներում, բայց միշտ «ջրից չոր է դուրս եկել», թերևս դրա համար որոշակի շրջանակում նրան անվանում են «ձուկ Անդո»: