«6-րդ զգայարան» հաղորդաշարի սպանված էքստրասենս Անի Մաջնունյանի մարմինը այսօր հողին հանձնեցին:
Նրա հարազատները շոկի մեջ են, մինչև հիմա չեն կարողանում հասկանալ, թե որոնք են սպանության իրական դրդապատճառները:
«Առաջին լրատվական»-ի հետ զրույցում նրանք նշեցին, որ Անին բարի, բոլորին հասնող մարդ է եղել, և իրենց համար ցավալի է, որ նրա մահից հետո կեղծ լուրեր են տարածում:
«Ի՞նչ գործ ունեն անձնական կյանքի հետ՝ հատկապես, որ նա մահացած է և չի կարող պատասխանել դրանց»,- սրտնեղած նշեցին հարազատները՝ հորդորելով հանգիստ թողնել Անիին և նրա շրջապատին ու ստահոդ լուրերով էլ ավելի ցավ չպատճառել սգի մեջ գտնվող հարազատներին:
«Ապշած ենք, չենք կարողանում հասկանալ՝ ինչպես կարող են էդ տեսակ մարդու մասին ըտենց բան գրեն, ի՞նչ էր արել. ինչ խուլիգանություն ասես՝ գրում են: Գաբրիելի մոր ելույթներն էլ հերյուրանքներ են, ո՞վ է թույլ տվել, ինչպե՞ս կարելի է մահացած կնոջ հասցեին նման հերյուրանքներ գրել»,- նշեցին նրանք:
Հարազատները շեշտեցին, որ ոչ միայն սուտ են Անիի՝ սիրեկաններ ունենալու պատմությունները, այլև այն, որ Անին իր Երևանի բնակարանը նվեր է ստացել: «Իր մայրը Հոկտեմբերյանի տունը վաճառել է՝ էդ տունը առել»,- պնդեցին նրանք:
Մանրամասները՝ տեսանյութում:
