Մանհեթենի դատարանը ուրբաթ ծայրահեղ իսլամիստ Ահմեդ Ֆերհանին դատապարտել է 10 տարվա ազատազրկման՝ Նյու Յորքի սինագոգ և եկեղեցի ներխուժելու փորձի համար, հաղորդում է CNN-ը:
«Ֆերհանին իրական սպառնալիք էր ներկայացնում Նյու Յորքի հրեական համայնքի համար: Նրա զինանոցում կային երկու հրազենային զենք, ձեռքի նռնակ և 150 փամփուշտ, որոնք նա ձեռք էր բերել ոստիկանության աշխատակցի անվան տակ աշխատելիս… Նա հայտարարում էր, որ պատրաստվում է պայթեցնել Նյու Յորքի սինագոգը»,- ասվում է ոստիկանության հաղորդագրության մեջ:
Ծնունդով ալժիրցի Ֆերհանին ձերբակալվել է 2011թ. մայիսին՝ անվտանգության աշխատակիցների՝ 8 ամիս տևած գաղտնի գործողությունից հետո: Գործի նյութերի համաձայն՝ 28-ամյա Ֆերհանին խոստովանել է, որ թմրանյութ էր վաճառում՝ իր ծրագրերն իրականացնելու համար գումար ձեռք բերելու նպատակով:
