Friday, 29 03 2024
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»

ԱՄՆ մուտքի վիզա ստանալուց առաջ ձեր ամենակարևոր հարցերին պատասխանում է ՀՀ-ում ԱՄՆ հյուպատոսը

Ողջույն, ես Ֆրենկ Տուն եմ, Հայաստանում ԱՄՆ հյուպատոսը: Ամեն ամիս ես պատասխանում եմ ԱՄՆ մուտքի վիզաների ու ներգաղթային գործընթացների վերաբերյալ ձեզ հետաքրքրող հարցերին: Շնորհակալ եմ ձեր ուղարկած հարյուրավոր հարցերի համար: Խնդրում եմ հարցն ուղարկելիս ներառել նաև ձեր էլեկտրոնային փոստի հասցեն, որպեսզի այս թողարկումներում ձեր հարցին անդրադառնալու հնարավորություն չունենալու դեպքում իմ գրասենյակը ուղղակիորեն պատասխանի ձեզ:

Նախքան ձեր հարցերին պատասխանելը՝ կցանկանայի մի խորհուրդ տալ ոչ ներգաղթային վիզայի հարցազրույցի նպատակով դեսպանատուն եկող դիմումատուներին: Անվտանգության նկատառումներից ելնելով՝ դիմումատուների մուտքը դեսպանատան տարածք թույլատրվում է նշանակված ժամից առավելագույնը 15 րոպե շուտ: Հետևելով այս խորհրդին՝ ստիպված չեք լինի սպասել կիզիչ արևի տակ:

Դեսպանատան շենք մուտք գործելու թույլտվություն տրվում է միայն դիմումատուներին: Ուղեկցող հարազատների, ընկերների, փաստաբանների, հովանավորների մուտքը դեսպանատան տարածք արգելված է: Երեխաները և հաշմանդամություն ունեցող անձինք կարող են հարցազրույցի ներկայանալ ընտանիքի որևէ անդամի ուղեկցությամբ: Մենք ուղեկցող անձանց համար նախատեսված սպասասրահ չունենք և դիմումատուներին խնդրում ենք ներկայանալ առանց ուղեկցողների, որպեսզի վերջիններս ստիպված չլինեն սպասել կիզիչ արևի տակ:

Հարց Շ. Մայիլյանից. Մայրս գրին քարտ է շահել: Կայքից տեղեկացա, որ վիզայի հարցազրույցները սկսվում են հոկտեմբերից: 21 տարիս լրանում է նոյեմբերի 4-ին: Հնարավո՞ր է, որ սա խնդիր առաջացնի: Ո՞ւմ  կարող եմ դիմել, եթե հարցազրույցս  նշանակվի նոյեմբերի 4-ից հետո: Կարո՞ղ եմ վիզան ստանալ մինչև 21 տարիս լրանալը, իսկ Միացյալ Նահանգներ մեկնել դրանից հետո:

Պատասխան. Եթե ամուսնացած չեք, և եթե ձեր մայրը գրին քարտի խաղարկությանը մասնակցել է մինչև ձեր 21 տարին լրանալը, դուք կկարողանաք ներգաղթել Միացյալ Նահանգներ նույն դիմումով: ԱՄՆ ներգաղթի մասին օրենքը 21 տարին լրացած անձանց որոշ ժամանակ թույլատրում է պահպանել «երեխայի կարգավիճակը»: 21 տարին լրանալուց հետո երեխայի կարգավիճակի պահպանման լրացուցիչ ժամանակը ներառում է գրին քարտի խաղարկության դիմումների ընդունման օրվանից մինչև ծանուցումների ապահովումն ընկած ժամանակահատվածը:

Հարց. Ես ապրում եմ 67-ամյա հիվանդ մորս հետ: Հիմա ամուսնացել եմ: Կինս ԱՄՆ-ից է: Նա դիմել է, որ մենք ապրենք ԱՄՆ-ում:  Ես մորս ինձ հետ Միացյալ Նահանգներ տանելու հնարավորություն ունե՞մ մինչև իմ ԱՄՆ քաղաքացի դառնալը:  Իմ գնալուց հետո մայրս մենակ կմնա, իսկ նա հիվանդ է, և ես նրան առանց խնամակալի թողնել չեմ կարող:

Պատասխան. Շնորհավորում եմ ձեր ամուսնության կապակցությամբ: Ցավոք, օրինական մշտական բնակչի ծնողների համար նախատեսված ներգաղթային արտոնագրի տեսակ չկա: Եթե, այնուամենայնիվ, որոշեք ներգաղթել Միացյալ Նահանգներ, հիշեք, որ օրինական մշտական բնակիչները կամ գրին քարտ ունեցողները կարող են դուրս գալ Միացյալ Նահանգների սահմաններից, սակայն նրանց համար գործում են ԱՄՆ-ում փաստացի բնակության որոշակի պահանջներ: Որպես ուղեցույց՝ դիտարկվում է ԱՄՆ-ից մեկ տարի կամ մեկ տարուց ավելի ժամանակով բացակայելու փաստը, սակայն ներգաղթային պաշտոնյաները փաստացի բնակության ժամկետները դիտարկելիս հաշվի են առնում նաև վերջին մի քանի տարիների ընթացքում ԱՄՆ-ում գտնվելու ժամանակահատվածները:

Հարց – Ես դիմել էի դեսպանատուն ոչ-ներգաղթային վիզա ստանալու համար: Երեք օր առաջ ինձ մերժեցին: Հյուպատոսական պաշտոնյան ինձ հիասթափեցրեց: Նա ինձնից որևէ փաստաթուղթ չպահանջեց, մինչդեռ ինձ մոտ կային իմ վերադարձը երաշխավորող բոլոր անհրաժեշտ փաստաթղթերը:  Կխնդրեի բացատրել Ձեր գործընկերոջ նման աշխատաոճը:

Պատասխան. Շնորհակալություն հարցի համար: Ցավում եմ, որ ձեր դիմումը մերժվել է: Դուք կարևոր հարց եք բարձրացնում: Շատերը թյուր պատկերացում ունեն ԱՄՆ վիզայի գործընթացի վերաբերյալ: Ի տարբերություն այլ երկրների վիզաների գործընթացների՝ ԱՄՆ հյուպատոսական պաշտոնյաները (աշխարհի ցանկացած երկրում) հազվադեպ են նայում փաստաթղթերին: Բացառություն է կազմում առցանց լրացված դիմումի ձևը: Իմ ողջ աշխատանքային գործունեության ընթացքում ես նայել եմ ինձ մոտ հարցազրույց անցած դիմումատուների ոչ ավելի քան 1%-ի հավելյալ փաստաթղթերը: Պաշտոնյաները գրեթե բացառապես հիմնվում են վիզայի հարցազրույցի վրա և անհրաժեշտ հարցերի միջոցով որոշում են կայացնում: Երկու կարևոր հանգամանք է հաշվի առնվում այստեղ: Առաջինը՝ եթե փաստաթղթերում նշված տվյալները աշխատանքի կամ սեփականության վերաբերյալ հավաստի են, ակնկալվում է, որ դիմումատուն առանց փաստաթղթի առկայության կարող է անկաշկանդ խոսել դրանց մասին: Երկրորդ՝ փաստաթղթերը միշտ կարող են կեղծվել, ինչը գնալով ավելի է կատարելագործվում: Մենք առանցքային ենք համարում հարցազրույցը և նախընտրում ենք լսել դիմումատուի ասելիքը Հայաստանում իր կարգավիճակի մասին՝ զերծ մնալով փաստաթղթերի հավաստիությունը պարզելու վրա միջոցներ վատնելուց: Խորհուրդ ենք տալիս դիմումատուներին ներկայանալ Հայաստանի հետ իրենց կապերը հիմնավորող փաստաթղթերով՝ հյուպատոսական պաշտոնյայի պահանջի դեպքում դրանք ներկայացնելու համար: Դրանց բացակայությունը վիզայի մերժման պատճառ չի կարող լինել:

Հարց Ա. Կարապետյանից. 2013 և 2014 թվականներին եղել եմ Միացյալ Նահանգներում որպես զբոսաշրջիկ և վերադարձել եմ: Գործող վիզաս վավեր է մինչև ս.թ.-ի օգոստոսի 13-ը: Ինչպե՞ս կարող  եմ երկարաձգել վիզայիս վավերականությունը առանց հարցազրույցի մասնակցելու: Խնդրում եմ տեղեկացրեք՝ ի՞նչ պետք է անեմ և ի՞նչ ժամկետներում:

Պատասխան. Ուրախ եմ, որ ԱՄՆ ճամփորդությունը ձեզ դուր է եկել, և որ կրկին ցանկանում եք այցելել: Նախ՝ կիրառվող տերմինների մասին. մենք վիզաներ չենք երկարաձգում, սակայն թողարկում ենք նորը: Եթե ձեր վիզան դեռևս վավեր է, կամ ժամկետը սպառվել է վերջին մեկ տարվա ընթացքում, դուք կրկին դիմում եք նույն տեսակի վիզայի համար, և եթե նախորդ վիզան ևս ստացել եք ՀՀ-ում ԱՄՆ դեսպանատնից, ու այն ունեցել է վավերականության առավելագույն ժամկետ (մինչև 2015թ. հունվարի մեկը՝ առավելագույն ժամկետը 1 տարի էր), ապա կարող եք դիմում ներկայացնել և նոր վիզա ստանալ առանց հարցազրույց անցնելու: Այս պարագայում դուք լրացնում եք առցանց դիմումը, վճարում միջնորդավճարը և ձեր գործող անձնագիրը և նախկին ԱՄՆ վիզան բերում և թողնում եք դեսպանատանը: Հարցազրույցի անհրաժեշտություն այս պարագայում չկա: Մանրամասն տեղեկությունների համար կարող եք այցելել դեսպանության կայքէջ և ծանոթանալ ոչ ներգաղթային վիզաների տրամադրման քայլերին:

Շնորհակալություն հարցերի համար, շարունակեք գրել մեզ, և մեր հաջորդ թողարկումներում մենք սիրով կանդրադառնանք ձեր հարցերին:

Բաժիններ
Ուղիղ
Լրահոս
Որոնում