Shamshyan.com-ի տեղեկացմամբ՝ այսօր` օգոստոսի 4-ին, խոշոր ավտովթար է տեղի ունեցել Արագածոտնի մարզում: Ժամը 09:50-ի սահմաններում Աշտարակ քաղաքի Թումանյան փողոցի 29 տան բնակիչ, 41-ամյա Վահե Մովսիսյանը Աշտարակ-Գյումրի ավտոճանապարհի 4-րդ կմ հատվածում վարելով BMW մակնիշի HP-158 M համարանիշի ավտոմեքենան, դուրս է եկել ճանապարհի երթևեկելի գոտուց և գլխիվայր շրջվելով` հայտնվել ձորակում:
Ինչպես հայտնում է լրատվամիջոցը, վարորդը մարմնական վնասվածքներով տեղափոխվել է Աշտարակի բժշկական կենտրոն:
Կայքի տեղեկություններով` վարորդ Վ. Մովսիսյանը տեղափոխվել է Աշտարակի հիվանդանոցից Երևան:
Վթարի վայրում հավաքվածները լրատվամիջոցին ասել են, որ BMW-ի վարորդը կասկածվում է` օրեր առաջ Աշտարակ քաղաքում Աշտարակի քաղաքապետարանի դիմաց «ՋՕԸ» –ի տնօրենի նկատմամբ մահափորձ կատարելու մեջ:
Մանրամասները՝ սկզբնաղբյուր-կայքում:
