Վրաստանի էներգահատվածին նվիրված Բրյուսելի միջազգային խորհրդաժողովում նշվել է, որ Վրաստանը Եվրամիության ռազմավարական գործընկերն է էներգետիկայի ոլորտում, այս մասին «Ռուսթավի-2» հեռուստաընկերությանը Բելգիայի մայրաքաղաքից տված հարցազրույցում հայտարարել է Վրաստանի վարչապետ Նիկոլոզ Գիլաուրին: Խորհրդաժողովում նա տեղեկատվություն է ներկայացրել երկրի էներգետիկ հատվածում իրականացվող բարեփոխումների մասին:
«Մինչ օրս Վրաստանը համարվում էր Եվրամիության պոտենցիալ գործընկերը, իսկ այսօր արդեն ընդգծվեց, որ Վրաստանը Եվրամիության ռազմավարական գործընկերն է էներգապահովման հարցում»,- նշել է կառավարության ղեկավարը: Նրա խոսքով, այդ գործընկերությունը դիտարկվում է երկու ուղղությամբ՝ Վրաստանում մեծ թվով ՀԷԿ-երի շինարարություն Թուրքիայի տարածքով Եվրամիության երկրներ էլեկտրաէներգիա արտահանելու համար: Երկրորդ ուղղությունը Եվրամիություն գազի տարանցումն է»,-ասել է Գիլաուրին: