2013 թ. փետրվարին ԱՄՆ-ի դաշնային բյուջեի դեֆիցիտը կազմել է 203.5 միլիարդ դոլար, ինչը 12 %-ով (28 միլիարդ դոլարով) քիչ է նախորդ տարվա համանման ցուցանիշից: Այս մասին հաղորդում է ITAR-TASS-ը՝ վկայակոչելով ԱՄՆ-ի ֆինանսների նախարարության մամլո ծառայությանը:
Նախարարության տվյալներով՝ անցած ամիս ԱՄՆ-ի դաշնային կառավարության ծախսերը կազմել են 326 միլիարդ դոլար, եկամուտը՝ 123 միլիարդ դոլար: 2013 թ. ֆինանսական տարվա (սկսվել է հոկտեմբերի 1-ից) առաջին հինգ ամիսների ընթացքում ԱՄՆ-ի պետական գանձարանի դեֆիցիտի ընդհանուր ծավալը ֆիքսվել է 494 միլիարդ դոլար ցուցանիշի վրա: Դա 87 միլիարդ դոլարով ավելի քիչ է, քան նախորդ ֆինանսական տարվա նույն ժամանակահատվածում:
ԱՄՆ Կոնգրեսի բյուջետային վարչության կանխատեսումների համաձայն՝ այս ֆինանսական տարվա դեֆիցիտը կարող է կազմել 845 միլիարդ դոլար:
2012 թ. ֆինանսական տարում ԱՄՆ-ի դաշնային բյուջեի դեֆիցիտը հասել է 1.1 տրիլիոն դոլարի:
