Երեկ՝ հուլիսի 22-ին, ողբերգական դեպք է տեղի ունեցել Սյունիքի մարզում: Ժամը 23:20-ի սահմաններում Կապանի բժշկական կենտրոնից ոստիկանության Կապանի բաժին հայտնել են, որ ավտովթարի հետևանքով մահացած վիճակում իրենց մոտ է տեղափոխվել մի քաղաքացի:
Ինչպես հայտնում է shamshyan.com-ը, հիվանդանոց մեկնած ոստիկանության Կապանի բաժնի օպերատիվ խումբը՝ Հայաստանի քննչական կոմիտեի Սյունիքի մարզային քննչական վարչության Կապանի քննչական բաժնի հատկապես կարևոր գործերով քննիչ Հ. Սարգսյանի գլխավորությամբ պարզել են, որ նույն օրը՝ ժամը 23:00-ի սահմաններում, Սյունիքի մարզի Տավրուս գյուղի բնակիչ, 23-ամյա Հայրապետ Քոլյանը իրեն պատկանող Mitsubishi Pajero IO մակնիշի 34 VV 206 համարանիշի ավտոմեքենայով «ԴՓՄԿ» ՓԲԸ ընկերության դիմացի ճանապարհահատվածում դուրս է եկել երթևեկելի գոտուց և բախվել ձախակողմյան մասում գտնվող լուսամփոփին:
Դրանից հետո մեքենայով բախվել է Ա. Վարդանյանին պատկանող Վազ 2106 մակնիշի 91 VV 077 համարանիշի կայանված վիճակում գտնվող ավտոմեքենային՝ մասամբ բարձրանալով «06»-ի վրա:
Պարզվել է, որ հիվանդանոց տեղափոխված մահացած քաղաքացին Mitsubishi-ի վարորդ Հ. Քոլյանն էր
Մանրամասները՝ shamshyan.com-ում