Այսօր` հուլիսի 15-ին, արտակարգ դեպք է տեղի ունեցել Լոռու մարզում: Մեծ Պարնի գյուղի բնակիչ, 34-ամյա Տիգրան Փահլևանյանը Բելառուս մակնիշի տրակտորով գյուղի Թռչկան կոչվող հանդամասում խոտհունձի աշխատանքներ կատարելու ժամանակ տրակտորով կողաշրջվել է:
Ինչպես հայտնում է shamshyan.com-ը, այս պահին նշված հանդամաս են մեկնել ոստիկանության Լոռու մարզային վարչության օպերատիվ խումբը, Հայաստանի քննչական կոմիտեի Լոռու մարզային քննչական վարչության հերթապահ խումբը, Տարածքային կառավարման և արտակարգ իրավիճակների նախարարության փրկարար ծառայության Լոռու մարզային փրկարարական վարչության աշխատակիցները: Հանդամաս է մեկնել նաև Մեծ Պարնի գյուղապետ Գագիկ Պալյանը: Ժամանել են նաև ճանապարհային ոստիկանության 2-րդ սպայական գումարտակի 5-րդ վաշտի աշխատակիցները` վաշտի հրամանատար Էդգար Սուսլիյանի գլխավորությամբ:
Պարզվել է, որ Տ. Փահլևանյանը մահացել է:
Մանրամասները՝ սկզբնաղբյուր կայքում