ԱդրբեջանականTrend.az կայքիփոխանցմամբ,Վրաստանում Իսրայելի դեսպան Իցհակ Հերբերգը Վրաստանի փոխարտգործնախարար Նինո Քալանդաձեի հետ հանդիպման ժամանակ երաշխիքներ է տվել, որ իր երկիրը ոչ մի ոլորտում չի համագործակցելու Աբխազիայի հետ:
Այս կապակցությամբ Քալանդաձեն հայտարարել է. «Իսրայելական մասնավոր ընկերությունների ներկայացուցիչների աբխազական այցի հետ կապված` մենք Իսրայելի դեսպանից երաշխիքներ ստացանք, որ նրա երկիրը ոչ մի ոլորտում, այդ թվում` նաև ռազմական, չի համագործակցելու դե ֆակտո գոյություն ունեցող Աբխազիայի հետ: Բացի այդ, մենք երաշխիքներ ստացանք, որ իսրայելական կողմը երբեք ոչ մի զորավարժություն կամ այլ տիպի միջոցառում չի անցկացնի Աբխազիայում:
Ինչ վերաբերում է այն հանգամանքին, որ Իսրայելը կարող է զենք մատակարարել Աբխազիային, ապա առանց կառավարության պաշտոնական արտոնագրի, զենքի վաճառքնանհնար է, անգամ եթե դրանում ներգրավված են մասնավոր ընկերությունները: Մեր ունեցած տեղեկություններով, պաշտոնական Թել Ավիվը դեռևս չի պատրաստվում այդպիսի արտոնագիր տրամադրել: Եվ քանի որ իսրայելական կողմից համապատասխան երաշխիքներ ենք ստացել, ուստի այլ կերպ չենք արձագանքի իսրայելցի գործարարների աբխազական այցին, թեև այն հակասում է մեր պաշտոնական նորմերին»:
Հիշեցնենք, որ օրեր առաջ հայտնի դարձավ, որ իսրայելական Global CST պաշտպանական ընկերությունը պատրաստակամություն էր հայտնել Աբխազիային մատակարարել ռազմական տեխնոլոգիաներ: