Նոյեմբերի 7-ին մի շարք միջազգային պարբերականներ` Guardian-ը, Тelegraph-ը, ինչպես նաեւ վրաստանյան` Civil.Ge-ն այսօր հայտնում են մի սենսացիոն տեղեկության մասին:
Մասնավորապես բրիտանական Guardian-ը նոյեմբերի 7-ի համարում տեղեկացնում է, որ Վրաստանում կանխվել է 18 գրամ բարձրհարստացված ուրանի մաքսանենգության ճանապարհով վաճառքի փորձ: Արդյունքում երկու հայ՝ գործարար եւ ֆիզիկոս, արդեն իսկ խոստովանական ցուցմունք են տվել, որ փորձել են ուրանը Երեւան-Թբիլիսի գնացքով , ծխախոտի ստվարաթղթե տուփով անցկացնել: Guardian-ը գրում է, որ Վրաստաում անցկացված դատական գործը վկայում է այն մասին, որ բարձրհարստացված ուրանը, որը կարող էր օգտագործվել միջուկային ռումբի օգտագործման նպատակով` կարելի է գնել սեւ շուկայում նախկին Խորհրդային Միության ծայրամասերում:
Բրիտանական թերթը հայտնում է, որ Վրաստանի նախագահ Միխեիլ Սահակաշվիլին այս մասին հայտնել է մյուս պետությունների առաջնորդներին ապրիլին Վաշինգտոնում կայացած գագաթնաժողովում, սակայն որեւէ մանրամասներ այս գործի մասին տեղեկություններ մինչ օրս չէին հրապարակվել: Դատական պրոցեսը ընթացել է փակ` անվտանգության նկատառումներով` սակայն Guardian-ը ստացել է տեղեկություններ այս մասին` առաջին ձեռքից:
Guardian-ը նշում է, թե անհայտ է մնացել որքան միջուկային հումք է գտնվում դրսում եւ արդյո՞ք այն օգտագործվում է այն ծայրահեղական խմբավորումների կողմից: «Հարց է առաջանում` սա ի՞նչ սառցելեռ է, որի գագաթը մենք տեսնում ենք», նշել է Հարվարդի համալսարանի փորձագետ եւՍպիտակ տան նախկին աշխտակաից Մեթյու Բանը, ով տարեկան զեկույց է պատրաստում միջուկային ահաբեկչության վտանգի մասին:
Guardian-ը հայտնում է ձերբակալված երկու հայերի անունները` Սմբատ Տոնոյան եւ Հրանտ Օհանյան, եւ տեղեկացնում է, որ նրանց մոտ գտնված ուրանը հարստացված է 89,4%-ով, օգտագործվում է միջուկային մարտագլխիկների համար, դա հաստատվել է ԱՄՆ-ում անկացված թեստով:
Ի դեպ, Guardian-ը հայտնում է, որ Հայաստանի մատակարարները մեծ քանակությամբ ուրան ունեն: Մաքսանենգները, որպեսզի թաքցնեն ուրանը ցուցիչներից` այն պատել են կապարով: 63-ամյա Տոնոյանը գործարար էր կաթնամթերքի բիզնեսում, իսկ 59-ամյա Օհանյանը ֆիզիկոս էր, մարտի 11-ին հանդիպում է կազմակարպել պոտենցիալ գնորդի հետ` Վրաստանի հյուրանոցում: Նրանք մտադիր են եղել վաճառել 18 գրամ ուրանը`իսլամական խմբավորման որպես նմուշ` հետագայում ավելի մեծ բեռի համար, սակայն գնորդը հաքնված է եղել ոստիկանի համազգեստով:
Վերջին յոթ տարիների ընթացքում սա` Վրաստան հարստացված ուրանի անցկացման արդեն երրորդ դեպքն է: Վրաստանյան երեք նման դեպքերի վերաբերյալ կան ապացույցներ այն մասին, որ ուրանը գողացվել է Նովոսիբիրսկից: Մաքսանենգ Գարիկ Դադայանի գործով` 2003 թ. սահմանվել է, որ նա մեկնել է Նովոսիբիրսկ՝ մինչ 200 գրամ հարստացված ուրանը Վրաստան տեղափոխելը: Երկրորդ փորձը` Օլեգ Խինցագովի մասնակցությամբ, դարձյալ հաստատվել է, որ ուրանը բերվել է Նովոսիբիրսկից, թեեւ հետո նա փոխել է ցուցմունքները: Օհանյանն ու Տոնոյանը նշել են, որ ուրանը ձեռք են բերել Դադայանից, ով ազատ է արձակվել 2005 թվականին:
