Ամեն տարի հուլիսի 11-ին քաղցրի սիրահարները նշում են Շոկոլադի համաշխարհային օրը: Այս օրը մտահղացել և առաջինն անցկացրել են ֆրանսիացիները 1955 թվականին՝ գրում է Calend-ը:
Կարծիք կա, որ առաջինը շոկոլադ սովորել են պատրաստել ացտեկները: Նրանք այն անվանել են «աստվածային սնունդ»: Իսկ իսպանացի նվաճողները, որոնք առաջինն են շոկոլադը Եվրոպա հասցրել, այն անվանել են «սև ոսկի» և օգտագործել ֆիզիկական ուժի և տոկունության ամրապնդման համար:
Որոշ ժամանակ անց Եվրոպայում շոկոլադ օգտագործել են միայն ազնվականները: Միայն 20-րդ դարում՝ շոկոլադի արտադրական արդյունաբերությունից հետո, այն սկսեցին վայելել ոչ ազնվական խավին պատկանող մարդիկ:
