Նոյեմբերի 25-ին ԱՄՆ Լոս Անջելես քաղաքում կմեկնարկի Հեռուստամարաթոն 2010-ը:
Ինչպես հայտնի է, նոյեմբերի 25-ին ԱՄՆ Լոս Անջելես քաղաքում կմեկնարկի «Հեռուստամարաթոն 2010-ը»: Մեր տեղեկություններով, ի տարբերություն անցած տարվա, այդ տարի Ղարաբաղից ԱՄՆ կմեկնի ԼՂՀ նախագահ Բակո Սահակյանը: Ինչպես հաղորդում են ԼՂՀ իշխանական մեր աղբյուրները, ըստ ամենայնի, ղարաբաղյան պատվիրակությունը ԱՄՆ կմեկնի նոյեմբերի 15-ին: Մեր աղբյուրները նշում են նաեւ, որ ԱՄՆ-ում Բակո Սահակյանը նախամարաթոնյան շրջագայություն չի անցկացնելու. ԼՂՀ նախագահը գործելու է բացառապես Լոս Անջելես քաղաքում: Հիշեցնենք, որ նախորդ տարվա հեռուստամարաթոնին ղարաբաղյան պատվիրակությունը ղեկավարում էր ԼՂՀ վարչապետ Արա Հարությունյանը:
