Վրացական newsgeorgia.ru կայքը, վկայակոչելով Socialbakers.com կայքը, նշում է, որ ներկայումս Վրաստանում Facebook սոցիալական ցանցի ծառայություններից օգտվում է 553.820 մարդ, որի 46 տոկոսը կազմում են տղամարդիկ, իսկ 54 տոկոսը` կանայք:
Facebook-ից օգտվողների 10 տոկոսի տարիքը կազմում է 13-15 տարեկան, 9 տոկոսինը` 16-17 տարեկան, 39 տոկոսինը` 18-24 տարեկան, 28 տոկոսինը` 25-34 տարեկան, 9 տոկոսինը` 35-44 տարեկան, 3 տոկոսինը` 45-54 տարեկան, 1 տոկոսինը` 55-64 տարեկան, և դարձյալ 1 տոկոսինը` 65 և ավելի բարձր տարեկան:
Ի դեպ, 2010 թվականի դեկտեմբերի դրությամբ Վրաստանում Facebook-ից օգտվում էր 360,000 մարդ:
Համեմատության համար նշենք, որ Վրաստանի հարևան Ադրբեջանում, ըստ վերջին տվյալների, գրանցված է շուրջ 362,000 ֆեյսբուքական, Հայաստանում` 152,000:
Ընդհանուր առմամբ, Facebook սոցիալական ցանցում գրանցված է 667 միլիոն մարդ, որոնցից 230 միլիոնը կայքից օգտվում է բջջային հեռախոսների միջոցով: Առաջին տեղում է ԱՄՆ-ը` 155 միլիոն մարդ, ապա գալիս են Ինդոնեզիան` 35 միլիոն մարդ, Մեծ Բրիտանիան` 30 միլիոն մարդ, Թուրքիան` 27 միլիոն մարդ և Հնդկաստանը` 23 միլիոն մարդ:
Facebook սոցիալական ցանցը հիմնադրվել է 2004 թվականին Մարկ Ցուկերբերգերի կողմից, ով դրա շնորհիվ 23 տարեկան հասակում դարձավ աշխարհի ամենաերիտասարդ միլիարդատերը:
Սկզբնական շրջանում կայքը կրում էր thefacebook.com անվանումը, ապա անվանափոխվեց facebook-ի: