«Արքայական» ակումբի գլխավոր մարզիչ Ժոզե Մոուրինյոն դժգոհել է «Ռեալ»-«Բարսելոնա» հանդիպման գլխավոր մրցավար Մունյիս Ֆերնանդեի գործողություններից: Այդ մասին հաղորդում է Marca-ն:
«Ես արդեն հոգնել եմ «Բարսելոնա»-ի դեմ 10 հոգով խաղալուց: Հուսով եմ, որ մի օր մենք կխաղանք 11-ը` 11-ի դեմ: Համարում եմ, որ Ալվեշը նույնպես պետք է հեռացվեր խաղադաշտից և չեմ հասկանում` ի՞նչ չափորոշիչներով էր առաջնորդվում մրցավարը: Ես դրա մասին հարցրեցի չորրորդ մրցավարից, վերջինս պատասխանեց, որ այդ դեպքում խոսքը վերաբերում էր եզրային պաշտպանին: Մենք 10 հոգով էլ լավ խաղացինք, որովհետև պատրաստ էինք իրադարձությունների նման զարգացմանը: Երկրպագուների անհավանական աջակցության ներքո «Ռեալ»-ը ոչ-ոքի խաղաց և կարող էինք հաղթել աշխարհում լավագույնը համարվող թիմի հետ պայքարում»:
Առաջիկա օրերին կայանալիք «կլասիկո»-ների մասին Մոուրինյոն ասել է հետևյալը. «Իսպանիայի գավաթի եզրափակիչը մի խաղ է, որի արդյունքում թիմերից մեկը Գավաթով է տուն վերադառնալու: Մենք կաշխատենք հաղթել «Բարսելոնա»-ին մնացած խաղերում»: