Երեւանում ավարտված Գագիկ Ծառուկյանի անվան բռնցքամարտի միջազգային մրցաշարում հայ բռնցքամարտիկները նվաճեցին 5 ոսկե, 5 արծաթե մեդալ և զբաղեցրին թիմային առաջին տեղը:
Մինչև 49կգ քաշային կարգի եզրափակիչում Կորյուն Սողոմոնյանը հաղթեց Եվրոպայի նախկին չեմպիոն Հովհաննես Դանիելյանին, 52կգ քաշային կարգում Դերենիկ Գիժլարյանն առավելության հասավ ուզբեկ Յասուրբեկ Լաթիփովի նկատմամբ, 56կգ քաշային կարգում լավագույնը դարձավ Հովհաննես Բաչկովը, 60կգ քաշային կարգի եզրափակիչում Վլադիմիր Սարուխանյանը հաղթեց ղազախ Գանի Ջալաուովին:
64կգ քաշային կարգում ոսկե մեդալը նվաճեց Հրաչյա Ջավախյանը, որի մրցակիցը եզրափակիչում` չեխ Զդենեկ Խլադեկը, վնասվածքի պատճառով ռինգ դուրս չեկավ: 75կգ քաշային կարգում հաղթող դարձավ Արթուր Խաչատրյանը, ով համոզիչ հաղթանակ տարավ ուկրաինացի Աելքսանդր Գանզուլյայի նկատմամբ:
