Saturday, 04 02 2023
Հայկական և ադրբեջանական կողմերի հետ բանակցությունները շարունակվում են․ ՌԴ ՊՆ
23:45
ԱՄՆ-ն չինական օդապարիկի պատճառով փակել է օդային տարածքի մի մասը
23:30
Ուկրաինան դուրս է գալիս Ռուսաստանի հետ համատեղ տիեզերական ուսումնասիրության մասին համաձայնագրից
23:15
Ռոնալդուի կնոջը սպառնում է տուգանք՝ Սաուդյան Արաբիայի պարկեշտության մասին օրենքը խախտելու համար
Միայն վրդովմունք հայտնելը բավարար չէ. Հունաստանում ՀՀ դեսպանը՝ Ադրբեջանի կողմից Արցախի արգելափակման մասին
Վանաձորում ծառն ընկել է ճանապարհի երթևեկելի հատված
«Ահաբեկչական կառույցները «ականապատում են» Շվեդիայի ուղին դեպի ՆԱՏՕ». Չավուշօղլու
Հայտնաբերվել է առանձնապես խոշոր չափերի թմրամիջոց․ 27-ամյա երիտասարդին մեղադրանք է ներկայացվել
Այն հանգրվանում ենք, որ ԱՄՆ-ի ոտքը կամաց-կամաց մտնում է ՀՀ անվտանգության դաշտ
«Փարիզը մտահոգված է Լաչինի միջանցքի շրջափակմամբ». Ֆրանսիայի ԱԳՆ խոսնակ
Հայաստանում ոչ թե հակառուսական, այլ հակապուտինյան տրամադրություններ են
Մակունցը կոնգրեսական Ջուդի Չուի հետ քննարկել է Ադրբեջանում պահվող հայ ռազմագերիների հարցը
Հիվանդության մասին մի հիշեցրեք, ինձ վերաբերվեք որպես առողջ մարդու
Արցախի հարց չկա, սեղանին Հայաստանի հարցն է
Արցախում աջակցություն կտրամադրվի շրջափակման պատճառով աշխատանքից ազատված անձանց․ նախարար
Ստեղծված իրավիճակում համատեղ գործելու համար Արցախի ՀԿ-ներն իրենց ջանքերը կմիավորեն մեկ հարթակում
Վթար Փոքր Վեդի-Լուսառատ ավտոճանապարհին․ կա տուժած
20:00
Արհեստական ինտելեկտով ստեղծված լուսանկարը հաղթել է մրցույթում
19:45
Իրանի նախագահը կայցելի Լատինական Ամերիկա
Սարյան փողոցում այրվում է տուն
ՀՀ նախագահն Անկախության օրվա կապակցությամբ շնորհավորական ուղերձ է հղել Շրի Լանկայի նախագահին
19:00
Իրանում մեկ օրում գրանցվել է կորոնավիրուսի 49 նոր դեպք, մահացել է 2 քաղաքացի
Թուրքիան հայտարարել է, որ իր տարածքում միջազգային գազային հանգույցի ստեղծման աշխատանքները մտել են եզրափակիչ փուլ
18:30
Պորտուգալիան Ուկրաինա կուղարկի «Լեոպարդ» տանկեր
18:15
Եվրամիության և Ադրբեջանի միջև գազային համաձայնագրի նախագիծը հարված է հայերի թիկունքին. Սենատի անդամ
Չի բացառվում՝ Էրդողանը թույլ տա Ֆինլանդիայի անդամակցությունը ՆԱՏՕ-ին, Շվեդիայինը՝ ոչ
17:50
Գերմանիան և Ֆրանսիան հանդես են եկել ԻՀՊԿ-ն ԵՄ-ի ահաբեկչական կազմակերպությունների ցուցակում ներառելու օգտին
Ռուսաստանը փորձում է թույլ չտալ, որ իրեն դուրս մղեն Հրվ. Կովկասից, իսկ Հայաստանի համար դիտորդներն ինչքան շատ լինեն, այնքան լավ
17:30
Ֆինլանդիան Թուրքիայից ոչ մի ապացույց չի ստացել ՆԱՏՕ-ին անդամակցելու հարցում առաջընթացի մասին
Պատմական խայտառակություն․ Ինչու են հեռանում լավագույնները․․․

ՀՀ իշխանությունը, ոստիկանությունը և ցուցարարները պետք է հարգանքով վերաբերվեն միմյանց. ԱՄՆ դեսպան

«Առաջին լրատվական»-ի զրուցակիցն է Հայաստանում ԱՄՆ դեսպան Ռիչարդ Միլզը:

– Վերջին օրերին Հայաստանում բուռն իրադարձություններ են ծավալվում՝ կապված էլեկտրաէներգիայի թանկացման հետ: Մի քանի օր շարունակ Երևանի կենտրոնում՝ Բաղրամյան պողոտայում, երիտասարդները բողոքի ակցիաներ են կազմակերպում՝ ընդդեմ ՀԾԿՀ-ի հունիսի 17-ի որոշման: Պարոն դեսպան, ինչպե՞ս եք վերաբերվում այդ շարժմանը և բողոքի ակցիաներին ՀՀ պատկան մարմինների, առավելապես ոստիկանության արձագանքին, որը ամենաբիրտ միջոցներ է կիրառել ոչ միայն ցուցարարների, այլև հատկապես լրագրողների նկատմամբ:

– Միացյալ Նահանգների դեսպանությունը ուշադրությամբ հետևում է այդ զարգացումներին՝ էլէներգիայի սակագնի թանկացման և դրան հաջորդած բողոքի ակցիաներին: Եվ մենք խորապես մտահոգված էինք ոստիկանության կողմից ցուցարարների նկատմամբ հունիսի 23-ի վաղ առավոտյան անհամաչափ ուժի կիրառման, նաև լրագրողներին որպես թիրախ ընտրելու համար: Մենք նաև արտահայտեցինք մեր մոտեցումը, որ անհրաժեշտ է այդ դրվագներով իրականացնել քննություն:

Ուրախալի է, որ հաջորդ օրն իսկ իշխանությունների կողմից քննություն ձեռնարկվեց, այդ քննությունը պետք է լինի թափանցիկ ու անկողմնակալ, և մենք  կսպասենք արդյունքներին: Ուզում եմ նաև իմ գոհունակությունը հայտնել ԱԳ նախարարի հայտարարության առնչությամբ: Հունիսի 24-ին նա իր խոսքում վերահաստատեց Հայաստանի հանձնառությունը ժողովրդավարության, մարդու իրավունքների պաշտպանության, հիմնարար ազատությունների ապահովման ուղղությամբ: Ոստիկանության մոտեցումը, պահվածքը կարծես այդ հայտարարությանը համահունչ է, և ես ուզում եմ իմ գոհունակությունը հայտնել Երևանի ոստիկանության կողմից վերջին 72 ժամերի ընթացքում ցուցաբերած բարձր պրոֆեսիոնալիզմի առթիվ:

Ցուցարարները նույնպես ունեն իրենց պարտականությունները, և ես ողջունում եմ ցուցարարներին, որ նրանք կարողանում են ամեն օր ապահովել ցույցերի խաղաղ անցկացումը: Հոսանքի գնի վերաբերյալ որոշումները դժվարին որոշումներ են, և ես ցանկանում եմ հորդորել կողմերին, որպեսզի լրջորեն քննարկեն, թե ինչպիսի էներգետիկ համակարգ պետք է ունենա Հայաստանը, որը կկարողանա երաշխավորել Հայաստանի էներգետիկ անվտանգությունը, և որին արժանի է երկրի ժողովուրդը: Մինչ այդ կարևոր է, որ բոլոր կողմերը՝ իշխանությունները, ոստիկանությունը, ցուցարարները, զերծ մնան բռնություններից, ապահովեն հասարակական կարգը և միմյանց վերաբերվեն փոխադարձ հարգանքով:

– Ինչպե՞ս եք վերաբերվում այն փաստին, որ ըստ էության քաղաքացիական այս շարժումը չունի առաջնորդներ և որևէ կերպ չի քաղաքականացվում: Նաև քաղաքական ուժերը և քաղաքական առաջնորդները չեն ցանկանում որևէ ձևով ներգրավվել և ինչ-որ առումով վնասել շարժման հիմնական նպատակները:

– Կարծում եմ՝ սա արտացոլում է այն նոր իրողությունները, որի պայմաններում մենք ապրում ենք, որի շրջանակում սոցիալական ցանցերը կարող են հասարակության մեջ այսպիսի շարժումներ առաջ բերել: Այս խումբը կարողացել է ձևավորվել, հավաքվել և ազատ արտահայտել իր դժգոհությունը, իր բողոքը, և սա ողջունելի առանձնահատկություն է հայաստանյան ժողովրդավարության տեսանկյունից: Ես նաև հասկանում եմ, որ սա դժվարացնում է իշխանությունների գործը՝ այն առումով, թե ում հետ պետք է խոսել հարցի առնչությամբ լուծումներ գտնելու համար: Եվ ես նորից եմ ուզում նշել, որ յուրաքանչյուր ցուցարար, ով ամեն օր, ամեն երեկո դուրս է գալիս և այս ակցիային մասնակցում, պարտավորություն ունի այնպես անել, որ սա լինի խաղաղ հավաք, և իր հարգանքն ապահովել:

– Սա ոչ միայն մարտահրավեր էր Հայաստանին և Հայաստանի իշխանություններին,  այլև ընդհանրապես մեդիային: Իշխանությունների կողմից  լրագրողների նկատմամբ ընդգծված վերաբերմունքից հետո ինչպե՞ս եք գնահատում ընդհանրապես մեդիայի վերաբերմունքը, մեդիայի աշխատանքը՝ լուսաբանելու, հանրայնացնելու այն իրադարձությունները, որ տեղի են ունենում Բաղրամյան պողոտայում:

– Ես, իհարկե, հետևում եմ ամբողջ լրատվությանը, որ ներկայացվում է հայկական տարբեր լրատվամիջոցներով: Այն լրատվամիջոցները, որոնց հրապարակումներին ես ծանոթանում եմ, այն հրապարակումները, որ ինձ հրամցնում են իմ աշխատակիցները, ակնհայտ է, որ այս նոր և բարդ իրավիճակում բավականին լավ են կարողանում գործել, հավասարակշռված մոտեցում են ցուցաբերում և կարողանում են իրականությունը ներկայացնել Հայաստանի ժողովրդին: Եվ մի բան, որ ես նկատել եմ՝ հայ լրագրողները, ովքեր լուսաբանում են այս դեպքերը, նրանց ջանքերն ուղղված են, որպեսզի ներկայացնեն իրավիճակը, ոչ թե իրենք դառնան այդ պատմության մասը:

– Ինչպե՞ս եք վերաբերվում միջազգային արձագանքներին: Այսօր փորձ է արվում Երևանի իրադարձությունները համեմատել ուկրաինական Մայդանի հետ, նույնիսկ Ռուսաստանի ջանքերով փորձ է արվում Միացյալ Նահանգների պետքարտուղարության հետքը տեսնել Բաղրամյան պողոտայում: Ավելին՝ ռուսաստանցի պաշտոնյաները ընդհուպ ասում են՝ եթե  իրենք լինեին հայ պաշտոնյաների փոխարեն, վաղուց Ձեզ՝ Հայաստանում Միացյալ Նահանգների դեսպանին, վտարած կլինեին:

– Չեմ կարծում, որ որևէ նմանություն կա այն ամենի մեջ, ինչ մենք տեսնում ենք այստեղ՝ Երևանի կենտրոնում, և այն պայքարի, որ տեղի էր ունենում Ուկրաինայում՝ Մայդանում: Եվ որևէ կերպ Միացյալ Նահանգների ներգրավվածությունն այս հարցում չկա: Ինչպես Դուք նկատեցիք, սա ինքնաբուխ արձագանք էր հասարակության կողմից: Եվ մեր՝ որպես դիվանագետների գործը այս զարգացումներին հետևելն էր, դիտարկելը և որպես բարեկամներ՝ մեր ձայնը բարձրացնելը, ինչպես մենք արեցինք երեքշաբթի օրը:

– Հայաստանի իշխանությունների հետ Ձեր շփումներում փորձե՞լ եք օգնության ձեռք մեկնել, առաջարկել լուծումներ՝ ստեղծված իրավիճակից դուրս գալու համար: Ի դեպ, չեն բացառվում ազգայնացման գործընթացները կամ մեկ այլ  սեփականատիրոջ օտարելու հնարավորությունները: Միացյալ Նահանգները ինչպիսի՞ լուծումներ է պատկերացնում ստեղծված իրավիճակից:

– Ինչպես նշեցի, սրանք բարդ որոշումներ են, և օտարերկրյա դիվանագետներս նման որոշումների վերաբերյալ կարծիք հայտնելու իրավասություն չունենք: Սա որոշում է, որ պետք է կայացվի կառավարության կողմից և մտահոգ ու շահագրգիռ մյուս կողմերի համատեղ ջանքերի արդյունքում:

Բաժիններ
Ուղիղ
Լրահոս
Որոնում