Ինչպես տեղեկացրել էինք, այսօր առավոտյան ՀՀ ոստիկանապետը Վլադիմիր Գասպարյանը այցելել էր Բաղրամյան պողոտա; Ոստիկանապետը առանձնազրուց է ունեցել ԱԺ պատգամավոր Նիկոլ Փաշինյանի հետ:
Նիկոլ Փաշինյանը լրագրողներին և ցուցարարներին ներկայացրեց իրենց զրույցի մանրամասները:
Վերջինս նշեց, որ ոստիկանությունն ահազանգեր է ստացել, որ ցուցարարների մեջ ոգելից խմիչք օգտագործողներ են եղել, թեև Նիկոլ Փաշինյանի փոխանցմամբ, այս գիշեր իր գտնված հատվածում նման դեպքեր չի նկատել:
«Խոսել ենք նաև լրագրողների դեմ բռնությունների մասին: Ես ասացի, որ լրագրողների մոտ հարց է ծագում՝ արդյոք դա հատուկ կազմակերպված չի եղել, որ ուղիղ եթերի տեսախցիկը թիրախ է դառնում: Գասպարյանը հավաստիացրեց, որ որևէ նման կազմակերպված բան չկա, մյուս կողմից էլ բոլորին չի կարող վերահսկել:
Զուգահեռ երկու գործընթաց է գնում, ծառայողական քննություն է գնում, և ՀՔԾ-ում էլ քննություն է իրականացվում: Ասաց, որ վնասված գույքի մի մասը գտնվել է, մի մասը փոխհատուցվել է, որ մասը չի փոխհատուցվել, կփոխհատուցվի»,-հաղորդեց Փաշինյանը: