Ինչպես և արդեն տեղեկացրել էին նախորդիվ, այսօր երեկոյան ժամը վեցին գյումրեցիներն ու դեռ ցերեկը ոստիկանության Կումայրիի բաժնից ազատ արձակված ակտիվիստները հավաքվեցին Գյումրու Թատերական հրապարակում, որտեղ նախ տեղի ունեցավ քննարկում համակարգող խմբի կողմից, ապա արդեն որոշվեց երթով քայլել դեպի Սուրբ Յթովերք եկեղեցի և հետ վերադառնալ կրկին Թատերական հրապարակ:
Երթի մասնակցիները հայրենասիական ազգային երգեր երգելով ու «Ոչ թալանին», «Մենք ենք տերը մեր երկրի», «Կասեցում», «Ամոթ» և այլ կարգախոսներ վանկարկելով շարժվեցին ոստիկանական երկշար հսկող խմբի ուղեկցությամբ: Մինչ երթն օրվա կատարվածի մասին հավաքվածների հետ խոսեց ակտիվիստ Կարեն Պետրոսյանը:
Վերջինս մասնավորապես նշեց, որ մինչ այս պահն ինքը շատ ավելի ավ կարծիք ուներ ՀՀ Ոստիկանության հանդեպ, սակայն այսօր ոստիկանների իր և իր ընկերների հանդեպ ունեցած վերաբերմունքից խորապես հիասթափված է, ու կարծում է, որ շատ ոստիկաններ ուղղակի ստվեր են գցում համակարգի վրա
