Նախօրեին Միացյալ Նահանգների նախագահ Բարաք Օբաման հայտարարել է, որ Լիբիայի գործողություններում ընդարմացման շրջան է: Նա նշել է, որ ԱՄՆ-ին և ՆԱՏՕ-ին, այդուհանդերձ, հաջողվել է Լիբիայի ժողովրդին փրկել «զանգվածային հաշվեհարդարից», իսկ Լիբիայի առաջնորդ Մուամար Քադաֆին գտնվում է ավելացող ճնշման տակ:
Այս մասին հաղորդում է Associated Press գործակալությունը:
Օբաման նաև հայտարարել է, որ անհրաժեշտություն չկա վերականգնելու ԱՄՆ լիակատար մասնակցությունը Լիբիայի դեմ գործողություններում: Նա տեղեկացրել է, որ Պենտագոնը շարունակում է օգնություն ցուցաբերել այդ գործողություններին` կատարելով հետախուզական, ռադիոլոկացիոն և մատակարարման աշխատանքներ:
Օբաման հույս է հայտնել, որ Քադաֆիի զինամթերքն ու գումարները շուտով կսպառվեն, և նա ստիպված կլինի լքել իր պաշտոնը:
