Tuesday, 19 03 2024
Կենտրոնական բանկը՝ Հայաստանում ռուսական «МИР» քարտերի սպասարկման մասին
Ողբերգական վթար Սյունիքի մարզում. մեքենայի հրդեհվելու հետևանքով զոհվել է 4 հոգի, այդ թվում 11-ամյա երեխա
Չարենցավանի կամրջի մոտ մեքենաներ են բախվել
Վահագն Խաչատուրյանը շնորհավորական ուղերձ է հղել Վլադիմիր Պուտինին
Լուրերի օրվա թողարկում 14։00
14:00
Live. «Առաջին լրատվական» տեղեկատվական-վերլուծական կենտրոն
Ակնկալում ենք ՆԱՏՕ-ի աջակցությունը ՀՀ-Ադրբեջան խաղաղության գործընթացին. Փաշինյան
ՆԱՏՕ-ն աջակցում է Հայաստանի ինքնիշխանությանը և տարածքային ամբողջականությանը. գլխավոր քարտուղար
Հուսով ենք, որ Հայաստան-ՆԱՏՕ նոր ձևաչափով գործունեության ծրագիրը շուտով կհաստատվի
Եթե ամեն հուշարձանի համար մեկ հսկող կցենք, ապա կունենանք ավելի շատ հուշարձան, քան՝ մարդկային ռեսուրս
Սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն
Մենք կկորցնենք մեր բոլոր սահմանները, եթե մտանք նոր սահման գծելու տրամաբանության մեջ. Փաշինյան
Էն որ ասում են` Տավուշի գյուղերը ուզում է տա, էս մարզում Խրեմլու անունով գյուղ կա՞, ո՞վ է ղեկավարը
Ծառը կոտրվել ու ընկել է մեքենայի վրա
Վարդենիսում էլ ենք դպրոց սարքում, ու թող էլ չասեն՝ էս ինչ բանը փակում են, որովհետև տալիս են
Կասե՞ք ի վերջո, էդ «Fly Arna»-ն ի՞նչ եղավ, փակվե՞ց, լիցենզիան ավարտվե՞ց. Գաբրիելյանը` փոխնախարարին
««Պատիվ ունեմ» խմբակցությունը ներկա է, բայց չի գրանցվում». ԱԺ-ն քվորում չապահովեց
ՔՊ նորընտիր պատգամավոր Դավիթ Կարապետյանը ԱԺ ամբիոնից երդվեց
Շփման գիծը փոխում ենք սահմանով, կարող է զորքերի փոխարեն դիրքերում լինեն սահմանապահներ. Փաշինյան
Ժողովու’րդ, ձեր հարցերի պատասխանները գտնելու ենք, հիմա, թողեք ոտք-ոտք քայլենք առաջ. Փաշինյան
Սահմանագծման և սահմանազատման գործընթացը կսկսենք Բաղանիսից Բերքաբեր ընկած էդ տարածքից. Փաշինյան
13:00
«Եթե խաղաղություն ենք ուզում, պետք է պատրաստվենք պատերազմի»․ Շառլ Միշելի հոդվածը
Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը
«Տաշիր» առևտրի կենտրոնը մասնակի փակվել է
Տրոլեյբուսը հայտնվել է խրամուղում. շինարարը կտուգանվի
8 բեռնատարից 7-ի մեջ հայտնաբերվել է մաքսային հսկողությունից թաքցված 7500 տուփ ծխախոտ
Նիկոլ Փաշինյանը շնորհավորել է Վլադիմիր Պուտինին նախագահի պաշտոնում վերընտրվելու առիթով
Ուղիղ. Նիկոլ Փաշինյանի և Ենս Ստոլտենբերգի ասուլիսը
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank

Մեր նպատակն է օգնել կառավարությանը՝ տեսնելու այլ լուծումներ. սակագնի բարձրացումը չի փրկի ՀԷՑ-ին սնանկացումից

«Առաջին լրավական»-ի Realpolitik հաղորդաշարի հյուրն է գործարար Վահան Քերոբյանը:

Վերջին շաբաթներին ուշիուշով հետևում և ուսումնասիրում եք ՀԷՑ-ի՝ ՀԾԿՀ ներկայացրած ամբողջ փաթեթը, և հանրագումարի բերելով՝ գիտենք, որ վաղը ՀԾԿՀ-ն քննարկելու է էլէներգիայի սակագնի հարցը: Հանրագումարի բերելով վերջին շաբաթների քննարկումները, լսումները, նաև ձեր ուսումնասիրությունները, ի՞նչ կարող եք ասել:

– Հայտը հիմնավոր չէ: Այն շռայլությունների, գերկորուստների, անարդյունավետության և, կարելի է ասել, գողությունների համախումբ է՝ ուռճացված ծախսերի, այն կապ չունի իրականության հետ: Հայտում տեղ գտած ամենակարևոր պատճառը՝ նախորդ տարիների էներգետիկ բալանսի խախտումից առաջացած ՀԷՑ-ի վնասների փոխհատուցումը, արդեն իսկ ընդգրկված է ներկա 41.85 հարյուրերորդական սակագնի մեջ և փոխհատուցման կարիք չունի և իր հունով փոխհատուցվում է: Հակառակը՝ այն, ինչը իրական պատճառն է՝ արտարժութային մոտավորապես 35 մլն դոլարի վնասը, անցյալ տարվա վատ մենեջմենթի և շռայլությունների արդյունքում կորցրած վնասները, արտացոլված չեն հայտում և չեն էլ կարող արտացոլված լինել, քանի որ դրանց փոխհատուցումը ՀՀ տնտեսության և բնակչության կողմից անօրինական է և չի կարող բավարարվել ՀԾԿՀ-ի կողմից: Այլ կերպ ասած՝ կարդում ես հայտը և ակնհայտորեն հիշում ես Երվանդ Օտյանի խոսքերը. «Ես ասանք կըսեմ, դուք անանք հասկըցեք»:

Նազարյանը պնդում է՝ ՀՀ սպառողը չի վճարելու ՀԷՑ-ի շռայլությունների և շվայտ կյանքի համար:

– Նազարյանը խեղաթյուրում է փաստերը, քանի որ ՀԷՑ-ն իր բոլոր շռայլությունների համար վճարում է մեր վճարած էլէներգիայի վարձավճարի գումարից: Այդ դեպքում ինչո՞ւ առաջինը հիդրոէլեկտրակայանների սակագնում նշված այլ անհրաժեշտ ծախսերը չեն իրականացնում, այնուհետև նոր մնացած փողով թույլ տալիս իրենց շռայլությունները, և եթե այդ փողը չգա, իրենց բաժնետերերի կողմից ներգրավեն միջոցներ: Այդ դեպքում արդեն հասկանալի կլիներ:

– Այնուամենայնիվ, ՀԷՑ-ը նշում է, որ փաստորեն իրենք վնասով են աշխատում: Մինչդեռ ռուսական «Ինտեր ՌԱՕԵԷՍ» ընկերության կայքէջում կարդում ենք, որ անցյալ տարի ՀՀ ՀԷՑ-ը շահույթով է աշխատել: Ինչպե՞ս կմեկնաբանեք այս անհամապատասխանությունը:

– ՀԷՑ-ը դեռևս չի հրապարակել 2014-ի արդյուքնները, որը հիմք կհանդիսանա դատելու՝ վնասո՞վ է աշխատել, թե՞ օգուտով: Բայց առաջին հայացքից պարզ է, որ ընկերությունը 2014-ին վնասով է աշխատել, որի պատճառով հայտնվել է սնանկության եզրին:

Պատճառները որքան օբյեկտիվ են, այնքան էլ սուբյեկտիվ: Սուբյեկտիվ պատճառը դոլարի արժևորումն է անցյալ տարվա վերջին, որի պատճառով ՀԷՑ-ը ստիպված է եղել վերագնահատել իր վարկային պարտավորությունները, և դրանք մոտավորապես 15-16 միլիարդի վնաս են պատճառել ՀԷՑ-ին: Դա միայն արտարժութային վնասներն է: Դրա փոխհատուցումը ոչ մի կերպ ընկած չէ Հայաստանի Հանրապետության և հայ ժողովորդի ուսերին, դա բացառապես ՀԷՑ-ի բաժնետերերի և մենեջմենթի ռիսկերն են: Նրանք կարող են ինչպես վարկեր չներգրավել, այնպես էլ այդ վարկերը ներգրավել այն արժույթով, որով իրենց ծառայություններն են մատուցում, ծախսերն են իրականացնում:

– Դուք, վստահ եմ, կարդացել եք նաև ՀԷՑ-ի տնօրեն Եվգենի Բիբինի հարցազրույցը, որում նա խոսում է համակարգային փոփոխությունների անհրաժեշտության մասին, ՀԷՑ-ի կենսագործունեությունը շարունակելու համար անհրաժեշտ այն միջոցների ներգրավման մասին, առանց որի, ըստ էության, նա չի պատկերացնում համակարգի հետագա աշխատանքը: Միևնույն ժամանակ, նա իր հարցազրույցում նշում է, որ Հայաստանի կառավարությունը տեղյակ է եղել և ցայսօր տեղեկացված է եղել ՀԷՑ-ում տիրող իրավիճակի ֆինանսական վատթար կացության մասին: Դուք ի՞նչ տպավորություն ունեք: ՀՀ իշխանությունների, ՀՀ կառավարության ինչպիսի՞ մասնակցություն եք տեսնում այս ողջ թնջուկի մեջ:

– Կարծում եմ, որ, բնականաբար, ՀՀ կառավարությունը, ՀԾԿՀ-ն և այլ պատկան մարմիններ տեղյակ են եղել ՀԷՑ-ի իրավիճակից: Ի վերջո, իրենք տեսնում են, որ ՀԷՑ-ը լավ չի վճարում հիդրոէլեկտրակայանների, այլ էներգիա արտադրող ընկերությունների պարտքերը:

Դուք ասում եք՝ գողություն է տեղի ունեցել, իրավապահները պարտավո՞ր էին դրա մասին տեղյակ լինել, թե՞ ոչ:

– Բազմաթիվ պետական պաշտոնյաներ այս ընթացքում ասացին, որ գողություն է եղել, բայց հետո սկսեցին ասել, որ չեն պնդում, այլ ենթադրում են: Ես կուզեի խոսել ՀԷՑ-ի խնդրի լուծման մասին: Այսօր մեզ առաջարկվում է լուծում, որ ՀՀ կառավարության և ՀԷՑ-ի համատեղ ջանքերով ներկայացված լուծումն է: Մենք բոլորս էլ, այդ թվում՝ կառավարությունը, գիտենք, որ թե՛ կառավարությունը, թե՛ ՀԷՑ-ը չեն փայլում իրենց մենեջմենթով, և ակնհայտորեն կան ավելի լավ լուծումներ, որոնք ընկած են մասնագիտական դաշտում, ոչ թե հռետորական դաշտում: Ռոբերտ Նազարյանը և բազմաթիվ այլ պաշտոնյաներ նշեցին, որ ՀԷՑ-ին այս տարի չի հերիքում 20-30 միլիարդ դրամ: ՀԷՑ-ի այսօրվա մարժան այսօրվա սակագների պայմանններում նույնիսկ թանկացման պայմաններում կազմում է 15-16 դրամ 1 կվտ/ժամի համար, որը տարեկան կազմում է 80 միլիարդ դրամ: Այդ գումարն ավելի քան բավարար է՝ լուծելու այն բոլոր խնդիրները, որ այսօր ծառացել են ՀԷՑ-ի առջև: Արդյունավետ կառավարման և ծախսերի նկատմամբ հոգատար վերաբերմունք ցույց տալու դեպքում ՀԷՑ-ին տարեկան անհրաժեշտ է 20-25 միլիարդ դրամ գումար, որպեսզի կարողանա արդյունավետ աշխատել: Մնացած 55-60 միլիարդ դրամ գումարը ավելի քան բավարար է լուծելու ՀԷՑ-ի խնդիրը:

Կարծում եմ, որ եթե ՀԷՑ-ի մենեջմենթը չի տեսնում այս խնդրի լուծումը, ապա ՀԷՑ-ը պետք է ազգայնացնել, անմիջապես ներդնել արդյունավետ կառավարում: Նույնիսկ այդ պայմաններում ՀԷՑ-ը կունենա 200-300 մլն դոլար շուկայական գին: Այն էլ այն պարագայում, եթե մենք մեկ տարի հետո ՀԾԿՀ-ին դիմենք էլէներգիայի սակագինը իջեցնել 35 դրամի, որն այսօրվա տնտեսության համար կապահովի բավական լավ հիմքեր տնտեսական աճի համար:

– Ի՞նչ կասեք եղած վարկային միջոցների, ինչպես նաև այսօր արտահերթ ռեժիմով ԱԺ-ում քննարկվող՝ նորից համակարգի համար 52 մլն դոլարի վարկային նոր միջոցներ ներգրավելու ՀՀ կառավարության նախաձեռնության շուրջ: Համակարգը շարունակում է խժռել, երկրի արտաքին պարտքն է ավելանում: ինչպե՞ս դուրս գալ որոգայթից:

– Կարծում եմ՝ պետք է կանգնել և մտածել այլ ուղղության մասին: Մտածել այն ուղղության մասին, որը չի բերի տնտեսության և ժողովորդի աղքատացմանը, չի բերի հուժկու բողոքի ալիքի և հակառակը՝ կբերի տնտեսական աճի, թույլ կտա խուսափել անհարկի խռովություններից: Ես և իմ համախոհները վերջին տասը օրվա ընթացքում բազմաթիվ ելույթներ ենք ունեցել, և կոնկրետ ինձ համար այդ ելույթները ընդամենը մի նպատակ ունեն՝ օգնել ՀՀ  կառավարությանը՝ տեսնել այլ լուծում: Տեսնել այն լուծումը, որի դեպքում երջանիկ կլինեն թե՛ ընկերության տերերը, թե՛ ՀՀ կառավարությունը:

Բաժիններ
Ուղիղ
Լրահոս
Որոնում