Ռուսաստանի գլխավոր մուֆտի Թալգատ Թաջուդդինը Московские новости թերթին տված հարցազրույցում նշել է, որ Ռուսաստնի զինանշանի վրա արծիվենրից մեկի գլխի վերևում պատկերված խաչն անհրաժեշտ է փոխարինել կիսալուսնով:
«Ռուսաստանյան զինանշանը երկգլուխ արծիվն է: Նրա վար պատկերված բոլոր երեք թագերը` երկուսն արծվի գլուխներին, իսկ մեկը` նրանց մեջտեղում, զարդարված են խաչերով: Բայց չէ՞ որ Ռուսաստանում ապրում են 20 միլիոն մուսուլմաններ, իսկ դա բնակչության 18%-ն է: Մենք ռուսաստանյան մուսուլմաններ ենք, այլ ոչ թե Սաուդյան Արաբիայից, Իրանից, Սամարղանդից, Աֆրիկայից և կամ էլ Լուսնից»,- ասել է Մուֆտին:
«Մենք խնդրում ենք, որպեսզի գլուխներից մեկը զարդարված լինի կիսալուսնով, իսկ մյուսը` ուղղափառ խաչով: Իսկ այն թագը, որը պատկերված է արծվի գլուխների մեջտեղում` և՛ խաչով, և՛ կիսալուսնով: Այս դեպքում ոչ մի թշնամի չի կարող օգտագործել կրոնական գործոնը՝ ի վնաս մեր հայրենիքի միասնության և ամբողջականության»,- ավելացրել է մուֆտին: նա նաև նշել է, որ այս առաջարկն ուղարկվել է երկրի նախագահին և վարչապետին: