Վահագնը լավ երիտասարդ էր, կրթված: Դժբախտ պատահարը մեծ վիշտ է բոլորի համար: Յոթն էլ հարգված երիտասարդներ էին: «Առաջին լրատվական»-ի հետ զրույցում նշեց Տաշիր-Ստեփանավան ավտոճանապարհին` Սարատովկա գյուղի մոտակայքում, ողբերգական ավտովթարի զոհ դարձած Վահագն Ալբերտյանի քեռին՝ Ալեքսան Հովսեփյանը:
Դեռևս չբացահայտված հանգամանքներում Տաշիր-Ստեփանավան ավտոճանապարհի 8-րդ կմ-ին «Վոլկսվագեն Տուարեգ» մակնիշի ավտոմեքենան (առանց պետհամարանիշի) դուրս է եկել ճանապարհի երթևեկելի հատվածից, բախվել քարերին և բռնկվել: ՃՏՊ-ի հետևանքով զոհվել են Տաշիր քաղաքի բնակիչներ՝ 1994թ. ծնված Վանիկ Մարդոյանը, 1991թ. ծնված Վահագն Ալբերտյանը, 1993թ. ծնված Արման Տոնոյանը, 1991թ. ծնված Գևորգ Պողոսյանը, 1993թ. ծնված Կարեն Խաչատրյանը, Լոռու մարզի Մեծավան գյուղի բնակիչ, 1993թ. ծնված Գասպար Ղուկեյանը և Երևանի բնակիչ՝ 1993թ. ծնված Արթուր Բալյանը:
