Շաբաթ օրը «Բանանց»-ը, հաղթելով «Կիլիկիա»-ին, կրկին գլխավորեց մրցաշարային աղյուսակը:Սակայն «Բանանց»-ը առաջատարի դիրքում մնաց ընդամենը մեկ օր, քանի որ կիրակի օրվա հանդիպման ժամանակ «Փյունիկ»-ը մեծ հաշվով հաղթանակ տարավ Կապանի «Գանձասար»-ի նկատմամբ և կրկին գլխավորեց առաջնության մրցաշարային աղյուսակը: Միայն խաղասկզբում էր, որ «Գանձասար»-ի ֆուտբոլիստներին հաջողվեց ինչ-որ կերպ դիմադրություն ցուցադրել մրցակցին:
Բայց հետո «Փյունիկ»-ի ֆուտբոլիստները 3 անպատասխան գնդակ ուղարկեցին հյուրերի դարպասը: Գոլերի հեղինակներ դարձան Էդգար Մալաքյանը, Գևորգ Ղազարյանը և Մարկոսը: «Ուլիս»-ը իր հերթին երկրորդ անդամ նվաճեց Հայաստանի առաջնության բրոնզե մեդալները՝ ոչ-ոքի խաղալով «Շիրակ«-ի հետ: Այս խաղում աչքի ընկան Շոթա Ջիկիան և Մկրտիչ Նալբանդյանը: «Բանանց» – «Կիլիկիա» խաղում միակ գոլի հեղինակ դարձավ Արսեն Բալաբեկյանը: «Իմպուլս»-ն էլ Ալբերտ Հովակիմյանի և Տիգրան Ոսկանյանի գոլերի շնորհիվ 2-1 հաշվով առավելության հասավ «Միկա»-ի նկատմամբ. հյուրերից գոլի հեղինակ է դարձել Բոտի Դեմելը: «Փյունիկ»-ը վերջին տուրում «Կիլիկիա»-ի նկատմամբ հաղթանակի դեպքում կնվաճի Հայաստանի առաջնության ոսկե մեդալները:
