Լոռու մարզի Ալավերդի քաղաքում, որտեղ այսօր տեղի է ունենում քաղաքապետի ընտրություններ՝ թեժ պայքար է:Առավոտյան 12.00-ի սահմաններում քաղաքապետի թեկնածու Արթուր Աբգարյանի կողմնակիցները Ալավերդու ԲԿ-ի մոտ հրահրել են քաշքշուկ, ոստիկանության աշխատակիցները, որոնք հսկողություն են իրականացնում ամբողջ քաղաքում անմիջապես միջամտել են:
31/05 ընտրատեղամասից «Առաջին լրատվական»-ի թղթակցին տեղեկացրեցին, որ ընտրություններն առայժմ ընթանում են բնական հունով, ընտրախախտումներ չեն գրանցվել:Տեղամասի մոտ հսկողություն իրականացնող ոստիակնության աշխատակիցները մեր թղթակցի հետ զրույցում նշեցին, որ արտառոց դեպքեր չեն գրանցվել, ընտրատեղամասերում իրավիճակը վերահսկվում է թեկնածուների վստահված անձանց կողմից:
Ալավերդու բնակիչները մեզ տեղեկացրին, որ Արթուր Աբգարյանը, որին սատարում է նրա եղբայրը՝ հայտնի գործարար Տարոն Աբգարյանը, Ալավերդու Հայպեչ թաղամասի մի շարք բնակիչների ցուցակագրել և բաժանել է ալյուր, 15 հազարական դրամ, բակերում բնակիչների համար կազմակերպել է խնջույքներ:
