Ողնուղեղը մարդու կենտրոնական նյարդային համակարգի ամենաստորին բաժինն է։ Հասուն մարդու մոտ նրա երկարությունը հասնում է մինչև 45 սմ-ի, զանգվածը 30 գրամ է։ Այն պարանի նման է, տեղակայված է ողնաշարի՝ ողնուղեղային հեղուկով լի խողովակում, շրջապատված է ուղեղապատյաններով, որոնք այն պաշտպանում են վնասվածքներից։
Ողնուղեղը բաժանվում է երկու համաչափ կեսի՝ ակոսների, որոնցից դուրս են գալիս ողնուղեղային նյարդարմատները, որոնք արձագանքում են զգացական և շարժական համակարգի աշխատանքին։
Հիվանդի մոտ հայտնաբերվել է ողնուղեղի կրծքային հատվածի 8-րդ ողի մակարդակի ծավալային գոյացություն՝ ուռուցք, որը համարվում է ինտրադուրալ-էքստրամեդուլյար, այսինքն՝ գտնվում է կարծրենու տակ, ողնուղեղի վրա։
Նման գոյացության վիրահատության բարդությունն այն է, որ ուռուցքը ներմղված է ողնուղեղի հյուսվածքի մեջ։ Տվյալ հիվանդի դեպքում լրացուցիչ ռենտգեն հետազոտությամբ նախ հստակեցվել է ուռուցքի ճշգրիտ տեղը, այնուհետև՝ արվել հատում։
Վիրահատությունը կատարում է «Էրեբունի» ԲԿ-ի Նյարդավիրաբուժական և նյարդաբանական կլինիկայի ղեկավար, նյարդավիրաբույժ, բ.գ.դ. պրոֆոսոր Մամիկոն Աղասիի Եղունյանը։