Սիրիայի ընդդիմությունը ինտերնետում հրապարակել է մի ուղղեցույց, որտեղ հստակ նշված են այն գործողությունները, որոնք պետք է իրականացնի սիրիացի հատուկ ծառայությունների ներկայացուցիչը ցուցարարների դեմ պայքարում: Այդ փասատթղթում մասնավորապես նշվում է, որ իրավապահները պետք է սպանեն ոչ ավել, քան 20 ցուցարար, քանի որ դրանից ավել զոհերի թիվը կարող է Միջազգային հանրության ավելորդ ուշադրությանն արժանանալ:
Ուղեցույցում խորհուրդ է տրվում հնարավորության դեպքում տարածել այն տեղեկությունը, համաձայն որի Սիրիայում տեղի ունեցող բախումները կազմակերպվում են օտարերկրյա ուժերի կողմից: Անհրաժեշտ է նաև փորձել կապ հաստատել ընդդիմադիր առաջնորդների հետ` ձևանալով նրանց կողմնակիցը, ինչպես նաև հավաքել կարևոր տեղեկություններ նրանց հետագա գործողությունների վերաբերյալ:
Բացի այդ, անհրաժեշտ է կազմակերպել սադրանքներ, վերացնել ցույցերի ղեկավարներին, սակայն այդ գործողությունը պետք է իրականացնեն դիպուկահարները` նախօրոք քողարկվելով: Դեռ չի հաջողվել պարզել, թե որտեղի՞ց է ձեռք բերվել այս ուղղեցույցը, և արդյո՞ք այն բնօրինակ է, թե՞ կեղծիք:
