Բնապահպանության նախարար Արամայիս Գրիգորյանը համաձայն չէ այն դիտարկման հետ, թե Արարատյան դաշտավայրում ձկնաբուծության արդյունքում հորատված հարյուրավոր հորերը գյուղացիներին կանգնեցրել են սակավաջրության առաջ: Այդ հորերի պատճառով նրանք ոռոգման ու խմելու ջրի խնդրի առաջ են կանգնել: «Չեմ կարծում, որ նման իրավիճակ առաջանա, ձեր հարցը ուղղե՛ք Ջրային տնտեսության պետական կոմիտեին: Հորերի քանակն այնքան է, որքան պահանջարկ կա: Եվ այդ պահանջարկն օրինական դաշտում է»,- ասում է նախարարը:
Քանի որ ձկնաբույծները հիմնականում բարձրաստիճան պաշտոնյաներ են, նրանք կարողացել են իրենց հորատած հորերին տալ օրինական գրանցում: Օրինակ, միայն վարչապետ Հովիկ Աբրահամյանի ընտանիքի անդամների անունով գրանցված են չորս ձկնաբուծարաններ: Արարատյան դաշտավայրում ձկնաբուծարաններ ունի նաև Հ. Աբրահամյանի խնամին՝ «Բարգավաճ Հայաստան» կուսակցության նախկին ղեկավար Գագիկ Ծառուկյանը, հանրապետական պատգամավոր Սամվել Ալեքսանյանը և այլք: Նրանք կարողացել են անօրինական հորերը բերել օրինական դաշտ: Ընդ որում՝ այդ հորերը շատ ավելին են, քան ի վիճակի է դաշտավայրը ջուր տալ ձկնաբույծներին: Եվ այդ պատճառով տարածաշրջանի բնակիչները հայտնվել են ջրի սակավության խնդրի առաջ:
«Ջրի թույլտվության պատճառով ես որևէ խնդիր չեմ տեսել»,- չի համաձայնում Ա. Գևորգյանը: