ԱԺ ՀՅԴ խմբակցության պատգամավոր Արծվիկ Մինասյանը, անդրադառնալով երկքաղաքացիներին նաև նախագահ և պատգամավոր ընտրվելու իրավունք տալու մասին ՄԻՊ առաջարկին, այն որակեց «ճիշտ»:
«Եթե երկքաղաքացու համար սահմանված է ՀՀ ԶՈՒ-ում ծառայելու պարտականություն, ինչու չպետք է տրվի ընտրվելու իրավունք»,- ասաց Մինասյանը:
Մեր հարցին, թե մտավախություն չունե՞ք, որ օտարերկրյա լրտեսները գան ՀՀ և բարձրագույն պաշտոն զբաղեցնեն, Մինասյանը նշեց.
«Լրտեսը քաղաքացիությամբ չի որոշվում: Եվ բացի այդ, որևէ մեկը չի կարղ ասել, թե ՀՀ բարձրաստիճան պաշտոնյաներից քանիսը միայն ՀՀ քաղաքացիություն ունեն, կամ ով կարող է ասել, որ չկա նման ԱԺ պատգամավոր»:
Իսկ ունի՞ արդյոք փաստեր և ովքե՞ր են դրանք` Մինասյանը պատասխանեց, որ քանի դեռ չկա պատշաճ վերահսկողական համակարգ, նման նորմի առկայությունն անիմաստ է:
