Այսօր արդարադատության նախարար Հովհաննես Մանուկյանի մասնակցությամբ պաշտոնապես մեկնարկեց «Առողջապահության և մարդու իրավունքների պաշտպանության ամրապնդումը Հայաստանի բանտերում» ծրագիրը, որի նպատակն է ամրապնդել մարդու իրավունքները՝ բարելավելով բուժծառայության, այդ թվում՝ հոգեկան առողջության հետ կապված խնամքի տրամադրումը Հայաստանի բանտերում:
Նախարարի խոսքով՝ 2 տարի տևողությամբ այս ծրագրի նպատակն է բարելավել Հայաստանի ՔԿՀ-ներում առողջապահության իրավական և ինստիտուցիոնալ շրջանակը, վերապատրաստել անձնակազմին, ինչպես նաև օժանդակել Հայաստանի կառավարությանը ՔԿՀ-ների բուժմասերի նյութական պայմանները բարելավելու հարցում:
Ինչ վերաբերում է մասնագետներին, ովքեր մեծամասամբ հրաժարվում են աշխատել ՔԿՀ-ներում, քանի որ նախ՝ աշխատավարձն է շատ ցածր, ապա՝ պայմաններ չկան, նախարարի խոսքով՝ Հերացու անվան պետական բժշկական համալսարանի հետ ձեռք բերած իրենց պայմանավորվածություններն առաջիկայում կլուծեն նաև այդ խնդիրը:
Ծրագիրն իրականացվում է ԵՄ/ԵԽ Արևելյան գործընկերության երկրներում 2015-2017 ծրագրային համագործակցության շրջանակներում:
Առավել մանրամասն՝ տեսանյութում։
