«Գազպրոմը» շարունակում է մերժել մեր տան, իմ առողջության փոխհատուցման հարցը, միտումնավոր ձգձգում է դատական գործընթացը»,- «Առաջին լրատվական»-ի հետ զրույցում ասաց Արտակ Պետրոսյանը:
Պետրոսյաններն ընդդեմ «Գազպրոմ Արմենիա»-ի գործի հերթական դատական նիստը եղել է մայիսի 6-ին, սակայն այն անժամկետ հետաձգվել է: Հիշեցնենք, որ 2013-ի մայիսին Այնթափ գյուղում գտնվող Պետրոսյանների տան հարևանությամբ անցնող՝ պոլիէթիլենից պատրաստված գազատար խողովակը պատռվել էր, ինչի հետևանքով գազը նրանց տուն էր լցվել: «Գիշերվա 1-ին ծխախոտը վառեցի, ու տունը պայթեց, «Գազպրոմի» ապօրինի գծի պատճառով»,- հիշեցրեց Արտակ Պետրոսյանը:
Նա նշեց ճարտարագիտատեխնիկական փորձաքննությունը 35 տարվա ստաժ ունեցող մասնագետի կողմից արվել է, բայց միտումնավոր կրկին են ուզում փորձաքննություն անել, ժամանակ են ձգում, այլ մասնագետների են փնտրում: Իսկ մինչ այդ իրենք վարձով են ապրում, և վարձը տալու հնարավորություն չունեն. Արտակը աշխատել չի կարողանում, քանի որ պայթյունից հետո դարձել է 2-րդ կարգի հաշմանդամ: «Ասում են՝ կարող է աշխատել պիտակավորող, բայց ես արհեստավոր եմ»,- նշեց նա:
Մանրամասները՝ տեսանյութում:
