Եվրոպական դատարանն այսօր անօրինական է համարել Մոսկվայում միասեռականների 3 շքերթների անցկացման արգելումը: Այս մասին հաղորդում է Interfax գործակալությունը` հղում անելով Gay Russia շարժման ղեկավար Նիկոլայ Ալեքսեևին: Ըստ շարժման ղեկավարի` այդ որոշումը կայացվել է անցած երկուշաբթի, երբ դատարանը մերժել է Ռուսաստանի՝ արգելքներն անօրինական համարող Եվրադատարանի որոշումը վերանայելու դիմումը:
Այս մերժումից հետո Եվրադատարանի կողմից ընդունված որոշումը ուժի մեջ է մտել ապրիլի 11-ից: 2010 թ. հոկտեմբերի 21-ին Եվրադատարանն օրինական էր համարել նույնասեռականների բողոքն ընդդեմ Մոսկվայի իշխանությունների:
«Հիմա Մոսկվայի իշխանություններն այլևս ոչ մի իրավական հիմք չունեն մերժելու հրապարակային միջոցառումներ անցկացնելու մեր հայտերը,- ասել է Ալեքսեևը,- ուստի հերթական գեյ-շքերթը Մոսկվայում պետք է արտոնվի»: