Ադրբեջանական Apa լրատվական գործակալության փոխանցմամբ, առաջիկա շաբաթներին ԵԱՀԿ Մինսկի խմբի համանախագահները Վաշինգտոնում հանդիպում են ունենալու ԱՄՆ պետքարտուղար Հիլարի Քլինթոնի հետ:
Հանդիպման ժամանակ համանախագահները Քլինթոնին կիրազեկեն ղարաբաղյան հակամարտության կարգավորման շուրջ անցկացրած բանակցությունների ընթացքի մասին:
Հիշեցնենք, որ ԵԱՀԿ Մինսկի խմբի համանախագահներ Բեռնար Ֆասիեն (Ֆրանսիա), Իգոր Պոպովը (Ռուսաստան) և Ռոբերտ Բրադտկեն (ԱՄՆ) հերթական այցով գտնվում են Լեռնային Ղարաբաղի տարածաշրջանում:
Այսօր նրանք այնտեղից մեկնելու են Բաքու, ուր, ամենայն հավանականությամբ, հանդիպումներ կունենան Ադրբեջանի նախագահ Իլհամ Ալիևի և արտգործնախարար Էլմար Մամեդյարովի հետ:
