Թուրքական Today’s Zaman թերթը ներկայացրել է նոյեմբերի 7-ին Ադրբեջանում կայանալիք խորհրդական ընտրությունների վերաբերյալ ռեպորտաժ, որը ներկայացնում ենք Ձեր ուշադրությանը:
Ադրբեջանի խորհրդարանական ընտրություններին համար գրանցված պատգամավորության բոլոր թեկնածուները կողմ են արտահայտվում Թուրքիայի հետ բարեկամական հարաբերությունների շարունակման օգտին:
Թերթը նաեւ հայտնում է, որ ընտրություններին հետեւելու են ավելի քան 40.000 տեղական եւ միջազգային դիտորդ: Ընտրություններին էլ մասնակցում է մոտ 700 թեկնածու, որոնք պայքարում են 125 տեղի համար: Ապագա խորհրդարանը մեծ խնդիրների լուծման առաքելութոյւն է ունենալու առաջիկա 5 տարիների ընթացքում` գազից եւ նավթից ստացված եկամուտների կառավաարումից մինչեւ Հայաստանի հետ Լեռնային ղարաբաղի հարցով վեճերի կարգավորումը:
Սա արդեն չորրորդ անգամն է, երբ սկսած 1990-ականներին հռչակած անկախությունից հետո, այս երկիրն անցկացնում է խորհրդարանական ընտրություններ: Ընտրարշավի ժամանակ կիրառվում են մինչեւ այժմ չկիրառված մեթոդներ, հիմնականում երիտասարդ, Արեւմուտքում կրթություն ստացած երիտասարդների կողմից: Նրանցից մեկը անկախ պատգամավոր Բախթիյար Հաջիեւն է, որն ավարտել է թուրքական դպրոց Բաքվում եւ վերջերս գիտական աստիճան է ստացել հանրահայտ Հարվարդի համալսարանում:
Նա լուրջ հաջողության է հասել իր շուրջ երիտասարդությանը համախմբելու հարցում, որոնք օգնում են նրան քարոզարշավի այս իրերին: Հաջիեւի խոսքերով, իր ընտրատարածքում կա 42.000 ընտրող, որն ամենամեծերից է, եւ որտեղ ամենալուրջ մրցակցությունն է` 14 թեկնածու: Հաջիեւը բավարար չի համարում քարոզարշավի համար հատկացված 23 օրը:
Հաջիեւի կարգախոսն է՝ «դրական փոփոխություն», որը, ըստ նրա, նշանակում է քաղաքացիների կողմից քաղաքական կամքի դրսեւորում՝ պաշտպանելու իրենց շահերը:
Ասիմ Մոլլազադեն, որը ներկայիս խորհրդարանի գործող պատգամավոր է ընդդիմադիր Ժողովրդավարական բարեփոխումներ կուսակցությունից, հայտարարել է, որ ոչ մի բան չի կարող ազդել Թուրքիայի եւ Ադրբեջանի երկկողմ հարաբերությունների վրա: «Երկու երկրներն էլ կիսում են նույն արժեքները եւ այդ արժեքները Աթաթուրքի հանրապետությունն ու Ադրբեջանը միասնակն են դարձնում»,- ասել է Մոլազադեն: Խոսելով Հայաստանի հետ հարաբերությունների մասին` նա ասել է, որ Ադրբեջանն ու Թուրքիան պատրաստ են նորմալ հարաբերութոյւններ հաստատել Հայաստանի հետ, եթե երկիրը հանի իր զորքերը օկուպացված տարածքներից:
Հաջիեւն իր հերթին ասել է, որ Թուրքիայի հետ հարաբերությունները փորձության են ենթարկվել հայ-թուրքական հարաբերությունների սկզբնական շրջանում, եւ դա «շփման խնդիր էր»: Նա ավելացրեց, որ կողմերը անհիմն չէին վստահում մեկը մյուսին: «Թուրքիան կարծում էր, որ Ադրբեջանի դերն այս գործընթացում փոքր է, քան իրականում կա, եւ որ Ադրբեջանն անհամարծեք քայլեր ձեռնարկեց: Ես կնախընտրեի բաց երկխոսությունն ու երկկողմ հարգանքը»:
Ադրբեջանի ամենահին կուսակցության` Մուսավաթի ղեկավար Իսա Ղամբարը մեղադրեց Ադրբեջանի՝ Թուրքիայի հետ հարաբերություններում առաջացած ճգնաժամի համար: Նա առաջարկում է, որպեսզի Ադրբեջանն ու Թուրքիան համատեղ աշխատեն հայ-թուրքական մերձեցման գործընթացում: Ղամբարն ասել է, որ եթե հայ-թուրքական մերձեցումը հաջողած լիներ, այսօր ռուսական ներկայությունը Հայաստանում այդքան մեծ չէր լինի:
