Ապրիլի 13-ին Բելառուսի ողջ տարածքում սուգ է հայտարարվել: Այս որոշումը բելառուսական իշխանություններն ընդունել են ապրիլի 11-ին մայրաքաղաք Մինսկի մետրոպոլիտենի կայարաններից մեկում տեղի ունեցած պայթյունի հետևանքով բազմաթիվ զոհերի և վիրավորների պատճառով:
Հիշեցնենք, որ երեկոյան պիկ ժամին տեղի ունեցած պայթյունի հետևանքով զոհվել է 12 մարդ, 192-ը ստացել են տարբեր աստիճանի մարմնական վնասվածքներ: Վիրավորների մեջ եղել են Հայաստանի երկու քաղաքացիներ:
Բելառուսի իշխանությունները պայթյունի մի քանի վարկած են առաջ քաշում, սակայն դրանցից ոչ մեկին դեռ նախապատվություն չեն տվել: Այդուհանդերձ հայտնի է մի քանի ձերբակալությունների մասին: Այս մասին հաղորդում է BELTA գործակալությունը:
