Սոցցանցերում մի քանի աղջիկների ու երիտասարդ կանանց վարքի ուսումնասիրությունը ցույց է տվել, որ Facebook-ը նրանց դարձնում է ավելի հակված սեքսուալ օբյեկտիվացման՝ իրենց ընկալում են որպես տղամարդկանց համար խաղալիքներ, ասվում է հոդվածում, որը հրապարակվել է Psychology of Women Quarterly ամսագրում:
«Մեր հետազոտությունը ցույց է տվել, որ երբ աղջիկները երկար ժամանակ են անցկացնում ամսագրեր կարդալով կամ սոցցանցում անցկացնելով, ապա նրանք դրսևորել են ինքնաօբյեկտիվացման ավելի բարձր մակարդակ` այլ կանանց հետ համեմատությամբ: Այդ ֆենոմենը կապված է այն բանի հետ, որ կանայք միտում ունեն համեմատելու իրենց արտաքինը շրջապատող մարդկանց, հատկապես` Facebook-ի հասակակիցների կամ ծանոթների հետ»,- հայտարարում է հոդվածագիր ֆիլիպպա Դիդրիխսը Բրիսթոլի Արևմտյան համալսարանից:
Հոդվածի հեղինակները հետևել են 17- 25 տարեկան 150 աղջիկների վարքին ու տեսել, թե ինչպես են տարբեր զանգվածային լրատվամիջոցներ ազդում հասարակությունում կանանց տեղի մասին պատկերացումների վրա:
Այդ պատճառով հոգեբանները խորհուրդ են տալիս աղջիկներին սահմանափակել սոցցանցերում անցկացրած իրենց ժամանակը:
