Ռուսաստանի Կազան քաղաքում մեկնարկած ծանրամարտի Եվրոպայի առաջնության առաջին օրը ծանրաձողին մոտեցան կանանց մինչև 48 կգ. քաշային կարգի ներկայացուցիչները, որոնց մեջ Հայաստանը ներկայացուցիչ չուներ, և տղամարդկանց մինչև 56 կգ. քաշային կարգի ներկայացուցիչները, որոնց թվում էր անցյալ տարվա Եվրոպայի փոխչեմպիոն Սմբատ Մարգարյանը:
18-ամյա հայ ծանրամարտիկին չհաջողվեց կրկնել անցյալ տարվա հաջողությունը և երկամարտում նա 245 կգ արդյունքով զբաղեցրեց 9-րդ հորիզոնականը: Այդուհանդերձ Սմբատը բարձրացավ պատվո հարթակին. հրում վարժությունում նրա ցուցադրած 140 կգ. արդյունքը երրորդն էր:
Եվրոպայի չեմպիոնի կոչմանն արժանացավ Մոլդովացի Օլեգ Սիրգին, ով երկամարտի արդյունքում ցույց տվեց 262 կգ. արդյունք:
