«Մանչեսթեր Յունայթեդ»-ի կիսապաշտպան Ռայան Գիգզը բավարարված էր Չեմպիոնների Լիգայի գավաթի խաղարկության 1/8 եզրափակչի շրջանակներում «Ռեալ»-ի դեմ հանդիպմանն իր թիմի ցուցադրած խաղից: Հիշեցնենք՝ արտագնա հանդիպմանը «կարմիր սատանաներ»-ը 1 գոլ են խփել, և խաղն ավարտվել է ոչ-ոքի` 1:1 հաշվով:
«Պատասխան հանդիպմանը մենք պետք է նույնքան լավ խաղանք, քանի որ մրցաշարի հաջորդ փուլ անցնելու համար երկու թիմերի շանսերը գրեթե հավասար են:
«Սանտյագո Բեռնաբեո»-ի կարգի մարզադաշտերում միշտ մեծ ճնշում է գործադրվում, սակայն ես կարծում եմ, որ մենք լուրջ խաղ ցուցադրեցինք: Այժմ արդեն ժամանակն է, որ «Ռեալ»-ը զգա այդ ճնշումը: Եթե ցանկանում ես Չեմպիոնների Լիգայի գավաթակիր դառնալ, անպայման պետք է նման լուրջ հանդիպումներ անցկացնես»,- հայտարարել է Գիգզը:
