Բուսական սնունդը, համաձայն Օքսֆորդի համալսարանի գիտնականների անցկացրած նոր հետազոտության, օգտակար է սրտի առողջության համար: Հետազոտությունը ցույց է տվել, որ բուսակերները ավելի քիչ են տառապում սրտի հիվանդություններից կամ մահանում դրանց հետևանքով: Ուսումնասիրվել են Անգլիայից ու Շոտլանդիայից 445000 մարդու տվյալներ:
Գիտնականները հետևել են հետազոտության մասնակիցներին 12 տարի շարունակ: Նրանցից 15100-ը բուսակերներ են եղել , 24900 միս ու ձուկ են օգտագործել: Առաջին խմբի անդամները տառապել են հիվանդություններից ավելի սակավ: Բուսակերների շրջանում արյան ճնշումը ավելի ցածր է եղել, իսկ խոլեստիրինի մակարդակն ու քաշը եղել են նորմայի շրջանակներում:
