Թմրանյութերի ոչնչացման արարողության ժամանակ, որը տեղի է ունեցել հարավային Հորմոզգան նահանգում, Իրանի ներքին գործերի նախարար Մուստաֆա Մուհամմադ-Նաջարը հայտարարել է, որ Իրանը աշխարհում թմրանյութերի ամենամեծ հայտնաբերողն է: Նա բարձր է գնահատել Իրանի ոստիկանների և զինվորականների նվաճումները թմրանյութերի դեմ պայքարում: Այս մասին հայտնում է Mehr գործակալությունը:
Նա հավատացած է, որ թմրանյութերի թրաֆիքինգի դեմ պայքարը կրոնական պարտավորություն է բոլոր իրանցիների համար, և որ թմրանյութերը սոցիալական խնդիրների ստեղծման համար հանդիսանում են վիթխարի գործոն:
Նախարարի խոսքով՝ Իրանն արյունալի պայքար է մղում, կանխում թմրաառևտրականների տարանցումները դեպի եվրոպական թիրախներ, պահպանում եվրոպացիներին թմրակախվածությունից, ինչին Եվրոպան պատասխանում է պատժամիջոցներով:
