Ուկրաինայի Գլխավոր դատախազությունը նախկին նախագահ Լեոնիդ Կուչմային, որը ստորագրություն էր տվել երկրից չբացակայելու մասին, թույլատրել էր ժամանակավորապես լքել Կիևը` մասնակցելու Յուրի Գագարինի տիեզերք դուրս գալու 50-ամյակին նվիրված տոնակատարություններին, որոնք տեղի կունենան Մոսկվայում: Այս մասին ուկրաինական Сегодня թերթին էր հայտնել Կուչմայի փաստաբան Վիկտոր Պետրևունենկոն:
Նրա խոսքերով, Կուչմային թույլատրել էին լքել երկիրը երկու օրով: Ուկրաինայի Գլխավոր դատախազությունը РИА Новости-ի հետ հարցազրույցում այս տեղեկությունը չէր հերքել:
Կուչմային երկուշաբթի օրը սպասում էին հերթական հարցաքննությանը: Ուկրաինական ԶԼՄ-ների հաղորդմամբ, հարցաքննությունից հետո Կուչմային պետք է թույլատրեին մեկնել Մոսկվա:
Կուչմային պաշտոնական հրավեր է ուղարկել Роскосмос-ը: Պաշտոնական միջոցառումները տեղի են ունենալու ապրիլի 12-ին, բայց նա խնդրել էր նաև ապրիլի 13-ին մնալ այնտեղ:
Քիչ առաջ ինքը կուչման ասել է, երկրի գլխավոր դատախազությունը փաստորեն մերժել է Կուչմային Մոսկվա մեկնելու թույլտվություն տալ: Այսօրվա հարցաքննությունից հետո Կուչմային հանձնել են ևս մեկ ծանուցագիր, որով նա պարտավոր է վաղը կրկին ներկայանալ հարցաքննության: Հարցաքննությունից հետո Կուչման ասել է, ըե չի հասկանում՝ իրենից ի՞նչ են ուզում` ճշմարտությո՞ւն, թե՞ մեկ այլ բան: Ավելի ուշ երկրի գլխավոր դատախազի տեղակալ Ռենատ Կուզմինը հայտարարել է, որ «Կուչմային թույլատրվել է լքել երկրի տարածքը»:
Մարտին Գլխավոր դատախազությունը քրեական գործ է հարուցել Կուչմայի դեմ: Նա մեղադրվում է պաշտոնական դիրքի չարաշահման, ՆԳՆ-ին անօրինական հրամաններ տալու մեջ, որը հանգեցրել է լրագրող Գեորգի Գոնգաձեի սպանությանը:
