Վրացական Georgiatimes.info կայքի հաղորդմամբ, օրեր առաջ Կոնգոյում կործանված վրացական Аirzena ավիաընկերությանը պատկանած Bombardier CRJ-200 ինքնաթիռի օդաչուների դիակները երեկ բերվել են Թբիլիսի:
Аirzena ավիաընկերության մամլո ծառայության բաժնի պետ Նինո Գիորգոբիանին հայտարարել է, որ վթարի պատճառ կարող էին լինել եղանակային պայմանները. «Օդանավը գտնվում էր լիովին սարքին վիճակում, այն տեխզննման էր ենթարկվել 2010 թվականի դեկտեմբերի 22-ին:
Վայրէջքի ժամանակ ինքնաթիռն ընկել է ուժեղ անձրևի ու քամու տակ, ինչի պատճառով էլ բախվել է թռիչքուղուն և, երկու մասի բաժանվելով, այրվել»:
Նշվում է, որ ավիաընկերությունն իր վրա է վերցրել օդաչուների դիակների փոխադրման ու թաղման ծախսերը:
Հիշեցնենք, որ նախկինում էլ ասվում էր, թե ինքնաթիռի վթարի պատճառ է հանդիսացել բարձրաչափը: Վերջինս ցույց է տվել, որ ինքնաթիռը գտնվում է 400 մետր բարձրության վրա, սակայն իրականում այն գտնվել է գետնից ընդամենը մի քանի մետր բարձրության վրա:
