Wednesday, 28 07 2021
17:40
ԱՀԿ-ում հայտնել են, որ աշխարհում COVID-19-ից մահացությունը մեկ շաբաթում ավելի քան 20 տոկոսով աճել Է
17:30
Բայդենը հուլիսի 29-ին կհայտարարի պետական ծառայողների պարտադիր պատվաստման մասին. CNN
Թուրքիայի, Պակիստանի և Ադրբեջանի խորհրդարանների նախագահները՝ ընդդեմ Հայաստանի
Երևան-Գյումրի-Վրաստանի սահման միջպետական ավտոճանապարհին կատարվում են հիմնանորոգման աշխատանքներ
17:00
Տոկիոյում կորոնավիրուսի դեպքերը կրկնապատկվել են
Կրասնոյարսկում արջը հարձակվել է զբոսաշրջիկների վրա․ կա զոհ
16:40
Աշխարհն առաջիկա 10 տարում շատ կփոխվի. Բայդեն
16:30
Տոկիո-2020. Լողորդ Վարսենիկ Մանուչարյանը չհաղթահարեց որակավորման փուլի արգելքը
16:20
Կորոնավիրուսով վարակման դեպքերի թիվն աշխարհում մեկ շաբաթում աճել է 8 տոկոսով
Արգիշտի Քյարամյանն ու ՌԴ դեսպանը քննարկել են երկու երկրների իրավապահ մարմինների համագործակցությանը վերաբերող հարցեր
16:00
ԱՀԿ-ն հայտնում է Դելտա շտամի տարածմամբ երկրների թվի աճի մասին
Ինչու Հայաստանը չի դիմում ՄԱԿ-ին. պարզաբանում է Ռուբեն Ռուբինյանը
Վերջին 24 ժամում Վրաստանում կորոնավիրուսից մահացել է 20 պացիենտ
Ռուսաստանը ցանկանում է մի բան՝ նոյեմբերի 10-ով ստորագրված ստատուս-քվոն երկար պահպանվի
Վարանդայի շրջանում աճյունների որոնողական աշխատանքներ են իրականացվում
Կոչ ենք անում բոլոր քաղաքական ուժերին ու գործիչներին ձեռնպահ մնալ այս փուլում որևէ արկածախնդիր հայտարարություն հնչեցնելուց
Բացեք քարտեզը նայեք․ մինչև Ֆրանսիան հասնի օգնության՝ Երևանն էլ չի լինի․ Դավիթ Բաբայան
ՊՆ-ն նախատեսում է պահեստազորայինների եռամսյա վարժական հավաքներ անցկացնել
Բաքվի մոտիվը. բանակցությունը կկայանա՞ ցանկացած «եղանակի»
Հայ-ադրբեջանական սահմանային գոտու լարվածության օջախները
14:55
Որակազրկել Ադրբեջանի օլիմպիական հավաքականին․ Ինչ տեղի կունենա Տոկիոյում․․․
Հայաստանը ստանձնելու է ՀԱՊԿ նախագահությունը. Ռուբինյան
Ոստիկանական բաժիններում շարունակում են անձանց խոշտանգել, ոչինչ չի փոխվել․ Արա Ղարագյոզյան
Ասկերանի շրջանում 90 առանձնատուն կկառուցվի տեղահանված արցախցիների համար
Խոշտանգման գործերով մենք բախվում ենք համակարգային դիմադրությանը․ Մուշեղ Եկմալյան
Որոնք են հայկական դիվանագիտական գերատեսչության առաջիկա անելիքները. մանրամասնում է Ռուբինյանը
Ոստիկանական բաժնում խոշտանգում են, հետո՝ տուժողին կոնֆետ տալիս․ Արա Ղարագյոզյան
Հայկական կողմի վիրավորների ճշգրիտ թիվը 4-ն է․ ՊՆ
Խոշտանգմանը մասնակցած մարդը պաշտոնի բարձրացում է ստացել․ ի՞նչ արժի այդ «պագոնը»
14:27
Տոկիո-2020. Նովակ Ջոկովիչը 4-րդ շրջանում է

Հարցրեք ԱՄՆ հյուպատոսին-2. ԱՄՆ այցելելու վերաբերյալ ձեր հարցերին պատասխանում է ՀՀ-ում ԱՄՆ հյուպատոսը

«Առաջին լրատվական»-ը ամիսը մեկ անգամ ընթերցողին հնարավորություն է տալիս իրեն հետաքրքրող հարցերով դիմել Հայաստանի Հանրապետությունում ԱՄՆ հյուպատոս Ֆրենկ Տուին, ում պատասխանները կհրապարակվեն թերթում և մեր կայքում: Հարցերը կարող են առնչվել ԱՄՆ մուտքի վիզաներին ու ԱՄՆ ուղևորություններին: Միացյալ Նահանգները Հայաստանից ժամանած այցելուներին առաջարկելու շատ բան ունի` կարող եք ծանոթանալ ԱՄՆ պատմությանը, մշակույթին, ճաշակել ամերիկյան ուտեստներն ու գինիները, տեսնել ԱՄՆ ճարտարապետությունը, լինել ծովափնյա հանգստավայրերում ու ազգային պարկերում: Կարող եք նաև ձեր հարցերն ուղարկել էլեկտրոնային փոստի` [email protected] հասցեով: Ստորև ներկայացնում ենք ԱՄՆ հյուպատոսին ուղղված մեր հարցերն ու նրա պատասխանները:

Ողջույն: Ձեզ ենք նարկայացնում Հարցրեք ԱՄՆ հյուպատոսին տեսաշարի երկրորդ թողարկումը: Իմ անունը Ֆրենկ Տու է և ես ՀՀ-ում ԱՄՆ հյուպատոսն եմ: Ամեն ամիս ես պատասխանելու եմ էլեկտրոնային փոստի, Թվիթերի կամ Ֆեյսբուքի միջոցով ուղարկած ձեր բոլոր հարցերին, որոնք վերաբերում են ԱՄՆ վիզաներին: Խնդրում ենք, հաշվի առնել, որ կոնկրետ գործերի վերաբերյալ մանրամասներ չեմ կարող տրամադրել՝ ելնելով անձի տվյալների գաղտնիության մասին ԱՄՆ օրենքից: Սակայն, հնարավորության սահմաններում, կփորձեմ պատասխանել ԱՄՆ վիզաներին վերաբերող ձեր ընդհանուր հարցերին:

Հարց պրն Ս. Սմբատյանից. Մեզ նախկինում մերժել են զբոսաշրջության վիզա: Կարող եք վերանայել այս որոշումը

Պրն Սմբատյան, շնորհակալ եմ Ձեր հարցի համար: ՀՀ-ում ԱՄՆ-ի դեսպանությունում վիզայի դիմումների մեծ մասը դրական պատասխան են ստանում: Սակայն, համաձայն ԱՄՆ-ի օրենքի կան բազմաթիվ չափանիշներ, որոնց հիման վրա վիզայի հայտը կարող է մերժվել: Հայտը կարող է մերժվել, քանի որ հյուպատոսական բաժնի պաշտոնյային հասանելի չէ անհրաժեշտ ողջ տեղեկատվությունը որոշում կայացնելու համար, կամ վիզայի դիմումը կարող է մերժվել, որովհետև վիզայի դասակարգումը չի համապատասխանում այցի նպատակներին կամ ԱՄՆ-ում ծրագրվող գործունեությանը, կամ դիմողի տրամադրած տեղեկության համաձայն դիմողն իրավասու չէ կամ որակորվոած չէ համաձայն ԱՄՆ օրենքի: Խնդրում ենք, հաշվի առնել, որ որոշումը կայացնելուց հետո այն վերանայման ենթակա չէ: Այն հնարավոր չէ բողոքարկել և ոչ էլ բեկանել: ՀՀ-ում ԱՄՆ-ի հյուպատոսական բաժնում մերժումների մեծ մասը հիմնված են ԱՄՆ-ի ներգաղթային և քաղաքացիության օրենքի 214(բ) կետի վրա: Դա նշանակում է, որ դիմումատուները իրենց երկրում կամ հայրենիքում ամուր կապեր չունեն: Եթե ձեր կարծիքով կա տեղեկություն, որը հաշվի չի առնվել ձեր դիմումի ուսումնասիրության ընթացքում, կամ ձեր նախորդ դիմումի ներկայացումից ի վեր էական փոփոխություններ են տեղի ունեցել ձեր գործում, ապա դուք կարող եք նորից դիմել: 214(բ) մերժումը մշտական չէ: Երբ որոշեք դիմել, պետք է կրկին լրացնեք դիմումի ձևը, վճարեք միջնորդավճարը եւ հարցազրույցի պայմանավորվածություն ձեռք բերեք:

Հարց Արմանից. 2004թ.-ին ես մեկ տարի վավերականությամբ բազմակի մուտքի արտոնագիր եմ ստացել և մինչև այժմ չեմ օգտագործել, այսինքն չեմ ճանապարհորդել դեպի ԱՄՆ: Կարող եմ դիմել նոր՝ տաս տարի վավերականությամբ վիզայի, թե պետք է նախևառաջ պետք է օգտագործեմ իմ գործող վիզան:

Շնորհակալություն ձեր հարցի համար, Արման: Մենք ոչ մի կերպ չենք պահանջում, որ դուք օգտագործեք այդ վիզան: Դուք կարող եք թարմացնել ձեր վիզան՝ դիմելով 10 տարի վավերականությամբ վիզայի ցանկացած ժամանակ, նույնիսկ եթե ձեր գործող վիզան դեռ ուժի մեջ է: Աշխարհի ցանկացած երկրում ԱՄՆ տուրիստական կամ գործնական վիզայի դիմող ՀՀ քաղաքացիների համար վիզայի առավելագույն սահմանված ժամկետը 10 տարի է եւ բազմակի մուտքի հնարավորությամբ:

Թույլ տվեք նշել նաև, որ եթե դուք դեռ վավեր վիզա ունեք, կամ այն սպառվել է վերջին մեկ տարվա ընթացքում, դուք կարող եք դիմել վիզայի առանց հարցազրույցի ներկայանալու: Այսինքն դուք ներկայացնում եք ձեր դիմումը, բայց հարցազրույցի չեք ներկայանում: Խնդրում եմ, լրացուցիչ տեղեկատվության համար ստուգել մեր կայքը:

Հարց Վահրամից ներգաղթային վիզաների վերաբերյալ. Եղբայրս ԱՄՆ-ի քաղաքացի է: Նա դիմել է ինձ համար ԱՄՆ ներգաղթելու նպատակով: Որքան ժամանակ է պահանջվում իմ գործը նայելու համար: Կա որևէ տարբերակ կամ հնարավորություն այս ժամանակահատվածը կրճատելու համար, օրինակ հավելյալ գումար վճարելով:

Շնորհակալություն, Վահրամ, առաջին ներգաղթային արտոնագրերին վերաբերող հարցի համար: Այժմ կան երեք հիմնական տիպի ամերիկյան ներգաղթային վիզաներ: Դուք ներգաղթային վիզա կարող եք ձեռք բերել ընտանիքի, աշխատանքի, կամ Բազմազանության վիզայի ծրագրի կամ շատերին հայտնի Green Card վիճակախաղի միջոցով:

Վահրամ, քրոջ կամ եղբոր ընտանեկան կապով ներգաղթային արտոնագիրը կհամարվի F4 տեսակի վիզա: F4 և մի շարք այլ ներգաղթային արտոնագրերի տեսակները սահմանափակ են յուրաքանչյուր տարվա համար: Ողջ աշխարհում տարեկան տրամադրվում են F4 տեսակի ընդամենը 65.000 վիզաներ: Երբ դիմումների թիվը գերազանցում է սահմանված թվաքանակը, ձևավորվում է ներգաղթային դիմումների սպասման ցանկ: Եվ այդ դիմումներին ընթացք է տրվում ըստ ամսաթվերով ձևավորված հերթականության կամ միջնորդագիրը ԱՄՆ քաղաքացիության և ներգաղթային ծառայություն ներկայացնելու ամսաթվի:

Այս պահին մենք ընթացք ենք տալիս 2003 թ-ի հունվարի 1-ին կամ դրանից ավելի վաղ միջնորդագիր ներկայացրած F4 վիզայի դիմումներին: Սպասման ժամանակահատվածը կրճատելու կամ արագացնելու գործընթաց գոյություն չունի:

Եվ վերջապես, ուզում եմ նշել, որ սկսվում է մեր զբաղված աշխատանքային շրջանը, երբ մեզ դիմում են մեծ թվով գործարարներ, զբոսաշրջիկներ և ուսանողներ: Մենք ամեն ջանք կգործադրենք բոլորի համար վիզային հարցազրույցներ նշանակելու հարցում: Իսկ դուք մեզ կարող եք օգնել մեզ՝ ձեր ճամփորդության մասին իմանալուն պես հարցազրույցի պայմանավորվածություն ձեռ բերելով:

Շնորհակալություն տեսանյութը դիտելու համար:

Բաժիններ
Ուղիղ
Լրահոս
Որոնում