1778-ի ապրիլի 1-ին Նյու Օրլեանից գործարար Օլիվեր Փոլոքը ստեղծել է դոլարի նշանը՝ գրում է Calend-ը: Որպես ԱՄՆ ազգային արժույթ դոլարը հաստատվել է ավելի ուշ՝ 1785-ին:
Որպես օրինակ՝ Փոլոքը վերցրել է իսպանական պեսետայի նշանը: Պեսետայի նշանում S տառի վրայի երկու գծիկները խորհրդանշում էին հերկուլեսյան սյուները, որոնց վրա հենվում է Իսպանիայի պետական զինանշանը: Ժապավենով փաթաթված երկու սյուները խորհրդանշում էին երկրի ծայրը, վերջը, փակուղի:
Ենթադրվում է նաև, որ դոլարի խորհրդանշանը ծագել է 8 թվից, որը դրվում էր 8 ռեալին հավասար իսպանական պեսոների վրա. երկու հորիզոնական գծերը հավելվել են չշփոթելու համար:
Իսկ ահա ամերիկացիները վստահ են, որ դոլարի նշանն առաջացել է United States բառերի առաջին երկու տառից՝ դրված միմյանց վրա, իսկ U տառի ստորին մասն աստիճանաբար անհետացել է:
