Ըստ վրացական Apsny.ge կայքի՝ ԱՄՆ պետդեպարտամենտի 2010 թվականի «Մարդու իրավունքների» զեկույցում նշված է, որ Վրաստանին սպառնում է կոռուպցիայի խնդիրը.
«Մի շարք միջազգային հեղինակավոր կազմակերպությունների տվյալներով, Վրաստանն այդ տեսանկյունից առաջընթաց է ապրել, սակայն որոշ ոչ կառավարական կազմակերպություններ պնդում են, որ իշխանական ներկայացուցիչները անպատիժ մասնակցում են բարձր մակարդակի կոռուպցիոն գործընթացներին: Համաշխարհային բանկի տվյալներով, կոռուպցիան հանդիսանում է Վրաստանի կառավարության խնդիրը:
Չնայած դրան` իշխանություններն ու հասարակությունը համակարծիք են նրանում, որ 2003 թվականին տեղի ունեցած «Վարդերի հեղափոխությունից» հետո կոռուպցիայի մակարդակն անկում է ապրել: Դիտորդները դա բացատրում են կոռուպցիոն գործընթացում ներգրավված պաշտոնատար անձանց համապատասխան պատիժներով, հասարակական աշխատողների աշխատավարձերի բարձրացմամբ և վարչական ընթացակարգերի պարզեցմամբ:
Նախորդ տարի Վրաստանում կոռուպցիայի գործով ձերբակալվել են մի քանի բարձրաստիճան պաշտոնյաներ:
Պարեկային ոստիկանությունում կոռուպցիան ցածր տոկոս է կազմում: Բարձր աշխատավարձի շնորհիվ ոստիկանական սպաները զերծ են մնում քաղաքացիների գումարները գրպանելուց»:
