Հանգստյան օրերին կայացան Անգլիայի առաջնության 32-րդ տուրի 9 հանդիպումներ: Բոլոր առաջատարները սպասված հաղթանակներ տոնեցին: «Մանչեսթեր Յունայթեդ»-ը սեփական հարկի տակ 2:0 հաշվով առավելության հասավ «Ֆուլհեմ»-ի նկատմամբ և վաստակած 69 միավորով շարունակում է մինձնյա գլխավորել մրցաշարային աղյուսակը: Գոլերի հեղինակներր դարձան Բերբատովն (11 ր.) ու Վալենսիան (31 ր.):
«Չելսի»-ն Մալուդայի 67-րդ րոպեին խփած գոլի շնորհիվ նվազագույն հաշվով պարտության մատնեց «Ուիգան»-ին և 58 միավորով բարձրացավ երրորդ հորիզոնական:
«Տոտենհեմ»-ը 3:2 հաշվով հաղթեց «Սթոուք»-ին և 53 միավորով 5-րդն է, գոլերի հեղինակներ դարձան Քրաուչը (11 ր. և 37 ր.), Մոդրիչը (18 ր.) «Տոտենհեմ»-ից, Էթերինգթոնն (27 ր.) ու Յոնեսը (41 ր.) «Սթոուք»-ից:
Երկրորդ տեղում ընթացող «Արսենալ»-ը հյուրընկալվելիս 1:3 հաշվով առավելության հասավ «Բլեքփուլ»-ի նկատմամբ: Վենգերի սաներից աչքի ընկան Դիաբին (18 ր.), Էբուեն (21 ր.) և վան Պերսին (76 ր.): Տանտերերի միակ գոլը խփեց Թեյլոր Ֆլետչերը (52 ր.): Արսենալը շարունակում է 7 միավորով զիջել առաջատար «Մանչեսթեր Յունայթեդ»-ին, սակայն մեկ հանդիպում պակաս է անցկացրել «սատանաներ»-ից:
Մյուս հանդիպումներում գրանցվեցին հետևյալ արդյունքները.
«Վուլվերհեփթոն»-«Էվերտոն»` 0:3
«Բլեքբըրն»-«Բիրմինգհեմ»` 1:1
«Բոլթոն»-«Վեսթ Հեմ»` 3:0
«Սանդերլենդ»-«Վեսթ Բրոմվիչ»` 2:3
«Ասթոն Վիլլա»-«Նյուքսլ»` 1:0:
«Լիվերպուլ»-«Մանչեսթեր Սիթի» հանդիպումը կկայանա ապրիլի 11-ին:
